वर्ल्ड फिल्म कार्निव्हल, सिंगापूर, कोलकाता इंटरनॅशनल कल्ट फिल्म फेस्टिव्हल, ईस्टर्न युरोप इंटरनॅशनल मुव्ही अवॉर्डस, टागोर इंटरनॅशनल फिल्म फेस्टिव्हल या महोत्सवांमध्ये सर्वोत्कृष्ट शॉर्टफिल्म, सर्वोत्कृष्ट दिग्दर्शन व सर्वोत्कृष्ट अभिनेता, युरोपियन इंटरनॅशनल फिल्म फेस्टिव्हल युकेमध्ये सर्वोत्कृष्ट दिग्दर्शक असे पुरस्कार मिळाले आहेत. हा लघुपट युरोपियन सिनेमॅटोग्राफी अवॉर्ड अॅमस्टरडॅम फेस्टिव्हलमध्ये अंतिम फेरीमध्ये पोहोचली आहे. उरूवती इंटरनॅशनल फिल्म फेस्टिव्हल, तामिळनाडूमध्ये सर्वोत्कृष्ट फिल्म, सर्वोत्कृष्ट दिग्दर्शन, सर्वोत्कृष्ट लेखन, यतीन कार्येकर यांना सर्वोत्कृष्ट अभिनेता आणि शंतनू मोघे यांना ज्युरी स्पेशल अॅवॉर्ड अशा एकूण ५ पुरस्कारांनी सन्मानित केले आहे.
निर्माता, दिग्दर्शक अभय ठाकूर म्हणाले, ‘इनिग्मा हा ४० मिनिटांचा सायकॉलॉजिकल थ्रिलर लघुपट आहे. यातून आम्ही मानसिक आरोग्य या विषयावर भाष्य केले आहे. शॉर्टफिल्मला मिळालेले पुरस्कार हे संपूर्ण टीमच्या मेहनतीचे यश आहे. स्नेहल ठाकूर, प्रसाद चव्हाण, अभिजित कोकाटे यांच्या पाठिंब्याच्या जोरावर हे यश मिळविले आहे.’