मार्गासनी : स्थानिक ग्रामस्थांच्या म्हणण्याप्रमाणे पीएमआरडीएचे आरक्षण व झोनिंग झाले पाहिजे. तसे होत नाही तोपर्यंत आमचा लढा सुरु राहणार असल्याचे भाजपचे माजी राज्यमंत्री बाळासाहेब भेगडे यांनी सांगितले.
पीएमआरडीएच्या केलेला चुकीचा सर्व्हे आणि झोनिंग विरोधात जनजागृती मोहीम आणि बाधितांच्या मदतीसाठी भाजपच्या वतीने जनजागृती आणि हरकती घेण्याची मोहीम सुरू करण्यात आलेली आहे. त्यासंदर्भात विंझर येथील अमृतेश्वर कला, वाणिज्य व विज्ञान महाविद्यालयात येथील शेतकऱ्यांचा मेळावा घेण्यात आला. त्या वेळी ते बोलत होते. या वेळी प्रदेश युवा मोर्चा सचिव जितेंद्र बोत्रे, भाजपा तालुकाध्यक्ष सुनील जागडे, युवा मोर्चा अध्यक्ष अविनाश भोसले, महिला मोर्चा अध्यक्षा सुषमा जागडे, कार्याध्यक्ष देविदास आमदार सरचिटणीस दिनकर मळेकर, युवा मोर्चा प्रदेश सदस्य अक्षय नलावडे, सरपंच विनायक लिम्हण, उपसरपंच राहुल सागर, सुजाता कडू, माजी अध्यक्ष रवींद्र दसवडकर, युवा मोर्चा सरचिटणीस सुनील धिंडले, ओबीसी मोर्चा अध्यक्ष भाऊ मरगळे, प्रसन्ना पोरे, दत्तात्रय निढाळकर, रोहिदास करंजकर, लक्ष्मण शिर्के, अनिल कडू,अनंता आधवडे, लक्ष्मण सागर, पंढरीनाथ जगताप, विक्रम सोनवणे, रामदास भोसले, विष्णू दीक्षित, अमोल गायकवाड, प्रसाद शिळीमकर, मनोज कातुर्डे, समीर आधावडे उपस्थित होते.
बाळासाहेब भेगडे म्हणाले, तालुक्यातील भाजपच्या पदाधिकाऱ्यांनी १५ दिवसांत तालुक्यातील बाधित शेतकऱ्यांना मार्गदर्शन करून हरकतींसाठी अर्ज भरून घ्यावेत, अशा सूचना दिल्या.
सुनील जागडे म्हणाले की, आर्किटेक्ट आणि इंजिनिअर आणि वकील यांच्याशी तांत्रिक बाबींवर चर्चा करुन वेल्हे तालुक्यातील धरणभागातील सीमेलगत असलेल्या लवासा सिटीमधील गावांना गिरीस्थान झोन मिळालेला आहे. त्याच धर्तीवर वेल्हे तालुक्याच्या संपूर्ण पश्चिमेकडील धरण भागात गिरीस्थान झोन द्यावा, आणि पूर्व भागामध्ये गावठाण लगत आणि रस्त्यालगतचे शेती यांना रहिवासी, व्यावसायिक झोन द्यावा. रस्त्यांसाठी होणारे आरक्षण हे घरे, मंदिरे, शाळा, दवाखाने इत्यादी बांधकामांना बाधा येणार नाहीत अशा पद्धतीने द्यावीत. शेतकऱ्यांचा जास्तीत जास्त फायदा होईल आणि कमीत कमी नुकसान होईल, अशा पद्धतीने पीएमआरडीए झोनिंग करावे. अन्यथा, आम्ही टोकाचा लढा देऊन याबाबत जनतेला न्याय हक्क मिळवून देऊ, अशी भूमिका मांडली.
०१ मार्गासनी
नकाशातील झोनिंग दाखवताना भाजपचे माजी राज्यमंत्री बाळासाहेब भेगडे, जिल्हाध्यक्ष गणेश भेगडे व इतर.