शेलपिंपळगाव : पुणे जिल्हा परिषदेच्या अध्यक्षा निर्मला पानसरे यांचा वाढदिवस वृक्षारोपण, खाऊ वाटप अशा विविध सामाजिक उपक्रमांनी तसेच गोशाळेतील जनावरांना चारा वाटप, तसेच अनाथ आश्रमातील विद्यार्थ्यांना मोफत शालेय वह्या-पुस्तके वाटप करून साजरा करण्यात आला.
प्रारंभी कोरोना काळात उल्लेखनीय कामगिरी केल्याबद्दल तसेच लसीकरण मोहिमेत जिल्ह्यात अव्वल आल्याबद्दल शेलपिंपळगाव (ता. खेड) येथील प्राथमिक आरोग्य केंद्रातील वैद्यकीय अधिकारी तसेच कर्मचाऱ्यांचा अध्यक्षा निर्मला पानसरे यांच्या हस्ते विशेष सन्मानचिन्ह देऊन गौरव करण्यात आला. बहूळ ग्रामपंचायतीच्यावतीने हा उपक्रम राबवण्यात आला आला. तर सोमनाथ वाडेकर यांच्यावतीने कोयाळी-भानोबाची येथील गोशाळेत जनावरांना मोफत चारा वाटप करण्यात आला. सिद्धेगव्हाण येथील मल्लसम्राट कुस्ती संकुलात नवोदित मल्लांना पै. अनिल साबळे यांच्यावतीने पोषक आहार वाटप करण्यात आला. तर शेलपिंपळगाव व ठाकूर-पिंपरी येथील अनाथ आश्रमातील मुलांना शालेय वह्या -पुस्तकांचे वाटप करण्यात आले.
दरम्यान, बहूळ वनविभाग हद्दीत विविध वृक्षांची लागवड करून वृक्ष वाचविण्याचा संकल्प करण्यात आला. याप्रसंगी जिल्हा परिषद अध्यक्षा निर्मला पानसरे, ज्येष्ठ विधिज्ञ सुखदेव पानसरे, सरपंच विद्या मोहिते, बहूळचे सरपंच गणेश वाडेकर, बेबीताई वाडेकर, संदीप मोहिते, गणेश दौंडकर, पोलीस पाटील केशव साबळे, तंटामुक्ती समितीचे अध्यक्ष गुलाब वाडेकर, अंकुश साबळे, पंडित वाडेकर, रूपाली खलाटे, आदिक वाडेकर, शिवाजी पानसरे, विशाल दौंडकर, ग्रामविकास अधिकारी बी. आर. मतकर, वैद्यकीय अधिकारी डॉ. इंदिरा पारखे आदींसह मान्यवर कर्मचारी उपस्थित होते. सरपंच गणेश वाडेकर यांनी आभार मानले.
कोरोना काळात वैद्यकीय क्षेत्रात कार्यरत असलेल्या डॉक्टर्स तसेच सर्व कर्मचाऱ्यांनी रुग्णांना उत्तम सेवा पुरवली आहे. त्यामुळे अनेक रुग्णांचे प्राण वाचले आहेत. जिल्हा परिषदेच्या माध्यमातून आरोग्य केंद्राला सतत सहकार्य असून नागरिकांच्या आरोग्याचा प्राधान्य देत रुग्णालयात आवश्यक ती साधनसामग्री पुरवली जाईल.
- निर्मला पानसरे, अध्यक्षा पुणे जिल्हा परिषद
०५ शेलपिंपळगाव वृक्षारोपण
बहूळ (ता. खेड) येथे वृक्षारोपण करताना निर्मला पानसरे व ग्रामस्थ.