राज्य शासनाकडून गणेशोत्सवासाठी नियमावलीदेखील जाहीर करण्यात आली आहे. नियमावलीत चार फुटांपेक्षा मोठी गणेशमूर्ती बसविण्यावर निर्बंध घालण्यात आले आहेत. दरम्यान, गणपती बाप्पाच्या आगमनाला अवघे काहीच दिवस उरले आहेत. गणेशमूर्तीचे कारागीर गणेश मूर्तीवर शेवटचा हात फिरवला जात आहे. ग्रामीण भागाच्या हिशोबाने मूर्ती बनवण्यासाठी लागणारी माती, रंग, शाडूची माती, प्लाॅस्टर आफ पॅरिस आदी कच्च्या मालाच्या किमती वाढल्याने मागील वर्षाच्या तुलनेत मूर्तीमध्ये २० ते ३० टक्के दराने वाढ झाली आहे. गणेशचतुर्थीच्या महिनाभर आधीच घरगुती व मंडळाच्या मूर्तीच्या बुकिंग सुरुवात झाली आहे.
तर गणपती बनवून विकण्यासाठी होणारा खर्च, त्याला लागणारा वेळ आणि धंदा यांचा मेळ बसत नसल्यामुळे दोन वर्षे झाले बाहेरून रेडिमेड मूर्ती आणून धंदा करत असल्याचे दिनेश कुंभार यांनी सांगितले.
वाल्हे गावातून परिसरातील ग्रामीण, भागातील वाड्या-वस्त्यांवरील घरगुती, तसेच, सार्वजनिक गणेशोत्सव मंडळे, वाल्हे गावठाणसहित, कामठवाडी, आडाचीवाडी, सुकलवाडी,वागदरवाडी, दौंडज, पिंगोरी, पातर मळा ,पिसुर्टी, हरणी ,मांडकी येेथील मंडळे व घरगुती गणपती बसवणारे लोक येथून गणपती घेऊन जात असल्याची माहिती अजय कुभांर यांनी दिली.
वाल्हे येथील कुंभारआळीमध्ये गणपती बनवणारे कारागिर मूर्तीवर अखेरचाा हात फिरवताना अजय कुंभार व मयूर कुंभार.