वडिलांनी मोबाइल चेक केला; नैराश्यातून मुलीने उचलले टोकाचे पाऊल

मोबाइल तिच्या वडिलांनी चेक केल्यावर आक्षेपार्ह असे काहीच आढळून आले नाही. मात्र, वडिलांनी आपला मोबाइल चेक केल्यामुळे आलेल्या नैराश्यातून तिने टोकाचे पाऊल उचलले

पिंपरी : वडिलांनी मोबाइल चेक केल्याच्या कारणावरून एका १६ वर्षीय मुलीने १७ मार्च रोजी विष प्राशन केले. उपचाराच्या दरम्यान रविवारी (दि. २२ मार्च) तिचा मृत्यू झाला. ही घटना चिखली येथील जाधववाडी येथे घडली.

प्रतीक्षा अनिल गायकवाड (वय १६, रा.जाधववाडी, चिखली) असे आत्महत्या केलेल्या विद्यार्थिनीचे नाव आहे. चिखली पोलिस ठाण्याचे वरिष्ठ निरीक्षक विठ्ठल साळुंके यांनी दिलेल्या माहितीनुसार, १७ मार्च रोजी प्रतीक्षा हिचा मोबाइल तिच्या वडिलांनी चेक केला. त्यामध्ये आक्षेपार्ह असे काहीच आढळून आले नाही. मात्र, वडिलांनी आपला मोबाइल चेक केल्यामुळे आलेल्या नैराश्यातून प्रतीक्षा हिने त्याच दिवशी रात्री नऊच्या सुमारास राहत्या घरात विष प्राशन केले. ही बाब तिच्या कुटुंबीयांच्या लक्षात येताच, तिला त्वरित रुग्णालयात दाखल केले. उपचाराच्या दरम्यान रविवारी (दि. २२ मार्च) तिचा मृत्यू झाला. महापालिकेच्या पिंपरी येथील यशवंतराव चव्हाण स्मृती रुग्णालयात शवविच्छेदन करण्यात आले. त्यानंतर, मृतदेह नातेवाइकांच्या ताब्यात देण्यात आला.