Romantic Love Story: बॉयफ्रेंडसोबत एकत्र राहायचं म्हणून अर्धवट सोडलं शिक्षण; 'या' जोडीची लव्ह स्टोरी आहे खूपच स्पेशल!

फुटबॉलर फिलीप कुटिन्होने मैत्रिण अँनी हिच्याशी लग्न केलं आहे. २००७ साली या दोघांची मैत्री तिसऱ्या एका मित्रामुळे झाली होती.

ब्राझीलचा स्टार फुटबॉलपटू फिलीप कुटिन्हो आता लवकरच प्रीमियर लीग स्पर्धेत खेळताना दिसणार आहे. फिलीप लोन म्हणून एस्टन विला संघाकडून सामने खेळणार आहे.

फिलीप कुटिन्होने जास्त सामने खेळता यावेत यासाठी मानधनातही कपात केली. आता कुटिन्हो बार्सिलोनाचा आपला जुना साथीदार स्टीवन जेरार्ड याच्यासोबत खेळताना दिसणार आहे.

कुटिन्होची लव्ह स्टोरी खूपच स्पेशल आहे. त्याने त्याची बालपणीची मैत्रिण अँनी हिच्याशी लग्न केलं आहे. २००७ साली या दोघांची मैत्री तिसऱ्या एका मित्रामुळे झाली.

दोघेही ब्राझीलच्या रिओ डी जनेरो शहरात लहानाचे मोठे झाले. पण काही वर्षांनी युरोपियन फुटबॉलकडून ऑफर आल्यानंतर तो ब्राझीलबाहेर गेला आणि दोघांनी काही काळ ताटातूट झाली.

अँनीचा जन्म ३१ मार्च १९९३ ला रियो डी जनेरोमध्ये झाला. पण ती मूळची पोर्तुगल वंशाची आहे.

फिलीप २००७ साली इटलीला गेल्यानंतर वर्षभरातच तिनेही बॉयफ्रेंडसोबत राहण्यासाठी शिक्षण सोडलं आणि ती पण इटलीला आली.

फिलीप कुटीन्हो २०१२ साली Espanyol संघाशी जोडला गेल्यानंतर महिन्याभरातच त्याने अँनीशी लग्न केलं. अगदी १४व्या वर्षापासून हे दोघे एकत्र राहू लागले.

फिलीप आणि अँनी या जोडप्याला तीन गोंडस मुलं आहेत.

फिलीप फुटबॉलर म्हणून लोकप्रिय असला तरी अँनी ही इंन्स्टाग्रामवर प्रचंड प्रसिद्ध आहे. लवकरच तिचे १ मिलियन फॉलोअर्स होतील.