Jyoti Malhotra : 'लव्ह यू खुशमुश'...! ज्योतीला पोलीस घरी घेऊन गेले, ती रुममधून बाहेर पडताच पोलिसांना पत्र मिळाले

ज्योती मल्होत्रा हीच्या घरी पोलिसांना एक पत्र मिळाले आहे, हे पत्र सध्या सोशल मीडियावर व्हायरल झाले आहे.

पाकिस्तानसाठी हेरगिरी केल्याच्या आरोपाखाली अटक केलेल्या ज्योती मल्होत्राची चौकशी सुरू आहे. दरम्यान, हरयाणा पोलिसांनी तिला काही काळासाठी हिसार येथील त्याच्या घरी आणले.

ती इथे तिच्या कुटुंबाला भेटली नाही पण तिचे काही कपडे सोबत घेऊन गेली. ती गेल्यानंतर पोलिसांना खोलीत एका वहीत लिहिलेले एक पत्र सापडले.

मिळालेल्या माहितीनुसार, त्या पत्राचे हस्ताक्षर ज्योतीच्या हस्ताक्षराशी जुळते, त्यात तिने सविताला फळे आणण्यास सांगण्याचे लिहिले आहे. घराची काळजी घे. मी लवकरच परत येईन. याशिवाय, काही आवश्यक औषधे देखील त्यात नमूद करण्यात आली आहेत.

ती औषध घरी ऑर्डर करण्यास सांगण्यात आली आहेत. पत्राच्या शेवटी लिहिले आहे- लव्ह यू खुश मुश, यावरून तिला कुटुंबात या नावाने हाक मारली जात होती, असा अंदाज लावला जात आहे . पोलिस या पत्राची सर्व बाजूंनी माहिती घेत आहेत. तसेच संभाव्य कोड संदेशाच्या दृष्टीने चौकशी करत आहेत.

ज्योतीच्या अटकेनंतर, कुटुंबाने खोलीतून तिचे फोटो काढून टाकले आहेत. तिच्या वडिलांनी घरात असलेले सर्व फोटो काढून टाकले आहेत. शेजारी आणि मित्रांच्या मते, ती हिसारमधील काही मित्रांना वारंवार भेटायला जायची, पण तिच्या घरी येणाऱ्यांची संख्या कमी होती.

तपासादरम्यान, पोलिसांना ज्योतीची एक डायरी देखील सापडली, यामध्ये ती अनेकदा तिच्या प्रवासाची आणि भावनांची नोंद करत असे. डायरीच्या दहा पानांपैकी आठ पानं इंग्रजीत आहेत, तर तीन पानं हिंदीत आहेत आणि त्यात पाकिस्तानचा थेट उल्लेख आहे.

ज्योती अनेकदा पहाटे १ वाजेपर्यंत व्हिडीओ एडिट करत असे. ती व्हिडीओ बनवायची आणि ते यूट्यूब आणि इतर सोशल मीडिया प्लॅटफॉर्मवर अपलोड करायची. त्यांच्या परदेश दौऱ्यांदरम्यानही ही डायरी त्यांच्याकडेच राहिली. बाली सहलीत तिने लाखो रुपये खर्च केल्याचा उल्लेख केला होता, असं डायरीतून असे दिसून आले.

पोलिस चौकशीदरम्यान, ज्योतीच्या काश्मीर भेटींबाबत अनेक प्रश्न उपस्थित झाले आहेत. पहलगाम, गुलमर्ग, दाल सरोवर, लडाख आणि पँगोंग सरोवरातील त्यांच्या भेटींची तपास यंत्रणा गांभीर्याने चौकशी करत आहेत. तिने या सर्व ठिकाणी अनेक व्हिडीओ शूट केले होते, त्यापैकी काही सोशल मीडियावर अपलोड देखील केले आहेत. हे व्हिडीओ अजाणतेपणे बनवले गेले आहेत की काही सूचनांनुसार? याचा तपास पोलीस करत आहेत. पाकिस्तानमधील एखाद्या दहशतवादी संघटनेला फायदा व्हावा यासाठी हे तयार केले गेले होते का?, या अँगलने पोलिस तपास करत आहेत.

तपासादरम्यान, पोलिसांना एक तुटलेला मोबाईल फोन देखील सापडला, तो जप्त करून फॉरेन्सिक टीमकडे पाठवण्यात आला. या मोबाईलमधून डिलीट केलेला डेटा रिकव्हर करण्याची प्रक्रिया सुरू आहे. या प्रकरणात हा मोबाईल एक मोठा पुरावा ठरू शकतो. आता राष्ट्रीय तपास संस्था गुप्तचर विभाग आणि हरयाणा पोलिस संयुक्तपणे सखोल चौकशी करत आहेत.