₹३१३ कोटींची FD; खात्यात ₹२१३ कोटी अन् लाखोंचे शेअर, विजयची गुंतवणूक पाहून चक्रावून जाल

1 / 6

Thalapathy Vijay: दाक्षिणात्य सुपरस्टार आणि राजकारणात नव्याने एंट्री करणारे जोसेफ विजय उर्फ थलापती विजय यांच्याकडे तब्बल ₹६२४ कोटींची संपत्ती असल्याचे समोर आले आहे. विशेष म्हणजे, त्यांच्या गुंतवणूकीची सध्या सर्वत्र चर्चा होत आहे. निवडणूक आयोगाकडे सादर केलेल्या प्रतिज्ञापत्रातून ही माहिती उघड झाली आहे.

2 / 6

विजय यांचे प्रतिज्ञापत्र पाहता, त्यांची गुंतवणूक अत्यंत सुरक्षित असल्याचे दिसते. त्यांनी शेअर बाजारातील जोखमीऐवजी बँक ठेवी आणि फिक्स्ड डिपॉझिटवर अधिक भर दिला आहे. त्यांनी Indian Overseas बँकेच्या सेव्हिंग अकाउंटमध्ये ₹२१३.३६ कोटी, तर फिक्स्ड डिपॉझिटमध्ये ₹१०० कोटींपेक्षा अधिक गुंतवले आहेत.

3 / 6

याशिवाय, अॅक्सिस बँकेत ₹४० कोटी, HDFC बँकेत ₹२० कोटी अन् स्टेट बँक ऑफ इंडियात ₹१५ कोटी, म्हणजेच, एकूण ₹३१३ कोटींपेक्षा अधिक रक्कम पूर्णपणे सुरक्षित बँक डिपॉझिटमध्ये गुंतवलेली आहे.

4 / 6

आजच्या काळात अनेक जण शेअर बाजारात मोठी गुंतवणूक करतात. मात्र विजय यांची भूमिका वेगळी आहे. त्यांनी फक्त ₹१९.३७ लाख शेअर बाजारात गुंतवले आहेत. यात जयनगर प्रॉपर्टी प्रा. लि. मध्ये ₹१९.०३ लाख, इंडियन ओव्हरसीज बँकेत ₹९,६०० आणि सन पेपर मिलमधील ₹२५,००० चा समावेश आहे.

5 / 6

विजय यांच्या संपत्तीमध्ये रिअल इस्टेटचा मोठा वाटा आहे. त्यांची एकूण स्थावर मालमत्ता ₹२२० कोटींची आहे. यात ₹११५ कोटींची घरे (नीलांकरई, एग्मोर, मायलापूर – चेन्नई) आणि ₹८२.८ कोटींची (कोप्पूर, शोलिंगनल्लूर) व्यावसायिक मालमत्ता सामील आहे.

6 / 6

विजय यांच्याकडे ₹१३.५२ कोटींच्या गाड्या आहेत, ज्यात BMW i7, Toyota Lexus आणि Tata Caravansचा समावेश आहे. याशिवाय, त्यांच्या ताफ्यात सामान्य वापरातील Maruti Swift आणि TVS XL Super देखील आहेत. विजय यांनी एकूण ₹७५.५ कोटींचे कर्ज आणि अॅडव्हान्स दिले आहेत. यामध्ये त्यांच्या कुटुंबीयांसह शैक्षणिक आणि सामाजिक संस्थांचा समावेश आहे.