सेलू (जि. परभणी) : सेलूतील अल्पवयीन मुलीवर अत्याचार प्रकरणी गुन्हा घडल्यानंतर सेलू पोलिसांनी अटक केलेल्या शिक्षकासह दोघांची कारागृहात तर विधीसंघर्सग्रस्त बालकाची बालसुधारगृहात रवानगी करण्यात आली. बुधवारी संबंधित शाळेच्या शालेय समिती व्यवस्थापन बैठकीत आरोपी शिक्षकाच्या निलंबनाचा ठराव मंजूर करण्यात आला.
सेलूतील अत्याचार घटनेप्रकरणी संतोष मलसवाड, नितीन परदेशी या दोघांची मंगळवारी पोलिस कोठडी संपल्यानंतर विशेष जिल्हा व सत्र न्यायालय परभणी येथे हजर केले असता, न्यायमूर्तींनी दोन्ही आरोपींची कारागृहात रवानगी केली. तर पोलिसांच्या ताब्यातील विधी संघर्षग्रस्त बालकाची बालसुधारगृहात रवानगी केली असून चौथ्या आरोपीचा शोध सुरू आहे.
संस्थेकडून आरोपी शिक्षकाचा निलंबन ठराव मंजूरनूतन विद्यालय, सेलू यांनी दिलेल्या प्रसिद्धीपत्रकात नमूद केले. संस्थेमधील सहशिक्षक संतोष मलसटवाड यास सेलू पोलिसांनी पॉक्सो कायद्यान्वये गंभीर गुन्ह्यासाठी अटक केली. अशी माहिती पोलिसांकडून प्राप्त झाल्यानंतर बुधवारी शालेय समितीची बैठक संस्थाध्यक्ष डॉ. एस. एम. लोया यांच्या अध्यक्षतेखाली झाली. या बैठकीत शिक्षक संतोष मलसटवाडवरील आरोप आणि अटक प्रकरणाचा आढावा घेऊन एकमताने त्यांना सेवेतून निलंबित करण्यात आले, असा ठराव मंजूर करण्यात आला.
Web Summary : Following the arrest of a teacher and two others in the Parbhani minor assault case, the school management committee suspended the accused teacher. The teacher and accomplice were jailed, while a juvenile was sent to a reform home. A fourth suspect remains at large.
Web Summary : परभणी में नाबालिग लड़की पर अत्याचार के मामले में शिक्षक और दो अन्य की गिरफ्तारी के बाद, स्कूल प्रबंधन समिति ने आरोपी शिक्षक को निलंबित कर दिया। शिक्षक और साथी को जेल भेज दिया गया, जबकि एक किशोर को सुधार गृह भेजा गया। चौथा संदिग्ध अभी भी फरार है।