गंगाखेड (जि. परभणी): गंगाखेड शहरातील 'धीरज मोटर्स'चे मालक धीरज बालासाहेब जगलपुरे (३८) यांचा रविवारी मध्यरात्री साडेबारा वाजेच्या सुमारास झालेल्या भीषण कार अपघातात दुर्दैवी मृत्यू झाला. गंगाखेड-लोहा राज्य महामार्गावरील मालेवाडी पाटीजवळ त्यांची कार पलटी झाल्याने ही घटना घडली.नेमकी घटना काय?मिळालेल्या माहितीनुसार, धीरज जगलपुरे हे आपल्या क्रेटा कारने (MH 43 BY 3555) गंगाखेडकडून नांदेडच्या दिशेने जात होते. मालेवाडी पाटीजवळ सध्या पुलाचे काम सुरू आहे. मध्यरात्रीच्या अंधारात पुलाजवळील वळणाचा अंदाज न आल्याने त्यांची कार वेगाने पलटी झाली. धीरज स्वतः कार चालवत होते.उपचारापूर्वीच प्राणज्योत मालवलीअपघाताचा आवाज ऐकताच परिसरातील ग्रामस्थांनी घटनास्थळी धाव घेतली. गंभीर जखमी अवस्थेत जगलपुरे यांना तातडीने गंगाखेड उपजिल्हा रुग्णालयात दाखल करण्यात आले. मात्र, तिथे डॉक्टरांनी त्यांना तपासून मृत घोषित केले. सोमवारी सकाळी शवविच्छेदन करून पार्थिव नातेवाईकांच्या ताब्यात देण्यात आले. त्यांच्या पश्चात आई-वडील, पत्नी, दोन मुले आणि भाऊ-भावजय असा मोठा परिवार आहे.
Web Summary : Dheeraj Jagalpure, owner of Dheeraj Motors, died in a car accident near Malewadi. He misjudged a bridge construction site at night. His car overturned, and he was declared dead at the hospital. He leaves behind his family.
Web Summary : गंगाखेड में पुल के काम के कारण धीरज जगलपूरे की कार दुर्घटनाग्रस्त हो गई। रात में पुल का अनुमान गलत होने से कार पलट गई। अस्पताल में उन्हें मृत घोषित कर दिया गया। उनके परिवार में माता-पिता, पत्नी और बच्चे हैं।