युरो कप - आयर्लंडला २-१ ने नमवून फ्रान्स उपांत्यपूर्व फेरीत

गोल पिछाडी भरुन काढत यजमान फ्रान्सने आयर्लंडवर २-१ ने विजय मिळवत युरो चषक स्पर्धेच्या उपांत्यपूर्वफेरीत अंतिम आठमध्ये प्रवेश केला.

ऑनलाइन लोकमत 

पॅरिस, दि. २६ - गोल पिछाडी भरुन काढत यजमान फ्रान्सने आयर्लंडवर २-१ ने विजय मिळवत युरो चषक स्पर्धेच्या उपांत्यपूर्वफेरीत अंतिम आठमध्ये प्रवेश केला. फ्रान्सच्या विजयाचा नायक ठरला अँटोईन ग्रिझमॅन. पहिल्या सत्रात आयर्लंडकडे १-० अशी आघाडी होती. 

 

सामन्याच्या दुस-याच मिनिटाला फ्रान्सचा मध्यरक्षक पॉल पोगबाने पेनल्टी एरियामध्ये केलेल्या चुकीमुळे पंचांनी आयर्लंडला पेन्लटी बहाल केली. ब्राडीने या संधीचा फायदा उचलत आयर्लंड १-० अशी आघाडी मिळवून दिली. ब्राडीने मारलेली जोरदार किक पोलला आपटून गोल जाळयात विसावली. 

 

त्यानंतर ग्रिझमॅनने ५७ व्या आणि ६१ व्या मिनिटाचा चेंडूला गोल जाळयाची दिशा दाखवत फ्रान्सला २-१ असे वर्चस्व मिळवून दिले. फ्रान्सने शेवटपर्यंत ही आघाडी टिकवत उपांत्यपूर्वफेरीत प्रवेश केला. फ्रान्सचा पुढचा सामना इंग्लंड किंवा आइसलँड यापैकी एकाशी होऊ शकतो. फ्रान्सचे २००० मध्ये युरो चषकाचे विजेतेपद मिळवले होते.