Thalapathy Vijay: 'थलपती विजय'साठी मैदान मोकळं? 'व्हीसीके'कडून 'टीव्हीके'ला बिनशर्त पाठिंब्याची घोषणा!

Tamil Nadu Politics: अभिनेता विजय यांच्या टीव्हीके पक्षाने पहिल्याच निवडणुकीत ११० जागा जिंकून इतिहास घडवला आहे. आता थोल थिरुमावलवन यांच्या व्हीसीके पक्षाने दिलेला बिनशर्त पाठिंबा विजय यांच्यासाठी टर्निंग पॉईंट ठरला आहे.

तामिळनाडूच्याराजकारणात पाय ठेवतात दाक्षिणात्य सुपरस्टार विजय थलपती यांचा पक्ष टीव्हीके यांनी आपली ताकद दाखवून दिली. पहिल्यांदाच विधानसभेची निवडणूक लढवणाऱ्या विजय यांच्या पक्षाने जोरदार मुसंडी मारली. मात्र, बहुमताचा आकडा थोडक्यात हुकल्याने सत्ता स्थापनेसाठी विलंब झाला. याच पार्श्वभूमीवर थोल थिरुमावलवन यांच्या नेतृत्वाखालील व्हीसीके या पक्षाने टीव्हीकेला बिनशर्त पाठिंबा जाहीर केल्याने थलपती विजय यांच्या मुख्यमंत्रीपदाचा मार्ग आता पूर्णपणे मोकळा झाला आहे

सिनेजगतातून राजकारणात प्रवेश केल्यानंतर थलपती विजय यांच्या लोकप्रियतेची मोठी कसोटी या विधानसभा निवडणुकीत होती. टीव्हीके पक्षाने पहिल्यांदाच रिंगणात उतरून ११० जागा जिंकल्या आणि विरोधकांना मोठा धक्का दिला. तरीही, २३४ सदस्य संख्या असलेल्या तमिळनाडू विधानसभेत स्पष्ट बहुमतासाठी आवश्यक असलेला आकडा गाठता न आल्याने विजय यांना सत्ता स्थापनेसाठी संघर्ष करावा लागला. त्यामुळे तामिळनाडूत गेल्या काही दिवसांपासून सत्ता स्थापनेवरून राजकीय तणाव निर्माण झाल्याचे पाहायला मिळाले. या पार्श्वभूमीवर, थोल थिरुमावलवन यांनी टीव्हीकेला बिनशर्त पाठिंबा जाहीर केला आहे. 

व्हीसीकेच्या या निर्णयामुळे थलपती विजय यांच्याकडे आता आवश्यक संख्याबळ गोळा झाले असून, त्यांनी सरकार स्थापनेच्या दिशेने वेगाने वाटचाल सुरू केली आहे. या पाठिंब्यामुळे विजय यांना मोठे राजकीय बळ मिळाले असून, तमिळनाडूमध्ये आता एका नव्या युगाची सुरुवात होणार असल्याचे बोलले जात आहे. लवकरच थलपती विजय राज्यपालांची भेट घेऊन सत्ता स्थापनेचा दावा करण्याची शक्यता आहे. सुपरस्टार ते मुख्यमंत्री असा विजय यांचा हा प्रवास तमिळनाडूच्या राजकीय इतिहासात मैलाचा दगड ठरणार आहे.