'काकी आय लव्ह यू', म्हणणं टवाळखोरांना पडलं महागात, तरुणीने भररस्त्यात शिकवला धडा

Uttar Pradesh Crime News: उत्तर प्रदेशमधील बागपत येथील बडौत पोलीस ठाण्याच्या हद्दीतील महामार्गावरून जाणाऱ्या तरुणींची छेड काढणं टवाळखोरांना चांगलंच महागात पडलं आहे.

उत्तर प्रदेशमधील बागपत येथील बडौत पोलीस ठाण्याच्या हद्दीतील महामार्गावरून जाणाऱ्या तरुणींची छेड काढणं टवाळखोरांना चांगलंच महागात पडलं आहे. कारमधून जात असलेल्या चार तरुणांनी रुग्णालयातून परतत असलेली एक तरुणी, तिची बहीण आणि वहिनीची छेड काडली. तसेच काकी आय लव्ह यू म्हणत अश्लील इशारे केले.

या प्रकारामुळे घाबरलेल्या तरुणींमधील एकीने धाडस दाखवल त्वरित ११२ क्रमांकावर फोन करून पोलिसांना बोलावले. त्यानंतर घटनास्थळी पोहोचलेल्या पोलिसांनी शुभम, विक्रांत आणि विनित नावाच्या टवाळखोर तरुणांना ताब्यात घेतले. तसेच त्यांच्याकडील कारमधून मद्याच्या बाटल्याही जप्त केल्या आहेत. पोलिसांनी या तरुणांविरोधात बीएनएस कलम २९६ अन्वये गुन्हा दाखल केला आहे.

पीडित तरुणीने याबाबत दिलेल्या माहितीनुसार सर्व आरोपी मद्यधुंद अवस्थेत होते. तसेच सातत्याने पाठलाग करून आक्षेपार्ह इशारे करत होते. काकी आय लव्ह यू म्हणत महामार्गावर सुरू झालेली छेडछाडीची ही घटना बघता बघता गंभीर वादात बदलली. मात्र या तरुणींनी न घाबरता पोलिसांना माहिती देत या रोडरोमियोंची रवानी थेट पोलीस ठाण्यात केली. यादरम्यान, पोलिसांनी तीन तरुणांना ताब्यात घेतले. मात्र एक तरुण फरार होण्यात यशस्वी झाला.