प्रार्थना आणि अश्रू..., हवेत ४ तास मृत्यूशी सामना! हैदराबादहून हुबळीला जाणाऱ्या Fly91 मध्ये तांत्रिक बिघाड, सुदैवाने मोठा अनर्थ टळला!

दरम्यान प्रवाशांमध्ये प्रचंड भीतीचे वातावरण निर्माण झाले होते. एवढेच नाही तर अनेक प्रवासी रडत-रडत देवाकडे प्रार्थनाही करू लागले होते.

हैदराबादहून हुबळीला जाणाऱ्या 'फ्लाई९१' (Fly91) एअरलाइन्सच्या विमानाचा मोठा आपघात थोडक्यात टळला आहे. या विमानात काही तांत्रिक बिघाड झाला होता. यामुळे हे विमान तब्बल चार तास हवेतच घिरट्या घालत होते. दरम्यान प्रवाशांमध्ये प्रचंड भीतीचे वातावरण निर्माण झाले होते. एवढेच नाही तर अनेक प्रवासी रडत-रडत देवाकडे प्रार्थनाही करू लागले होते.

नेमके काय घडले? -
फ्लाईट IC3401 ने रविवारी दुपारी ३ वाजण्याच्या सुमारास हैदराबादच्या राजीव गांधी आंतरराष्ट्रीय विमानतळावरून हुबळीसाठी उड्डाण केले. नियोजित वेळेनुसार हे विमान सायंकाळी ४:३० वाजता हुबळीला पोहोचणे अपेक्षित होते. मात्र, विमान हुबळीजवळ पोहोचताच त्यात तांत्रिक बिघाड झाल्याचे निदर्शनास आले. यामुळे वैमानिकांनी लँडिंग न करता, सुरक्षित लँडिंगची तयारी करण्यासाठी हवेतच विमानाच्या घिरट्या घालण्याचा निर्णय घेतला.

प्रवासी भयभीत, नातलगांचा संताप - 
सुमारे चार तास हे विमान मुंडगोड, दावणगेरे आणि शिवमोग्गा परिसरात हवेतच घिरट्या घालत होते. दरम्यान विमानात प्रचंड दहशतीचे वातावरण निर्माण झाले होते. अनेक प्रवासी प्रचंड भयभीत झाले होते. तर अनेक जण रडत-रडत देवाला प्रार्थना करत होते. याशिवाय, प्रवाशांच्या नातलगांनीही एअरलाइन्सवर संताप व्यक्त केला. एअरलाइन्सकडून वेळेवर आणि स्पष्ट माहिती दिली गेली नसल्याचा आरोप त्यांनी केला आहे.

#Hubballi
Crosswind over Hubballi forced to divert @fly91_IN flight to #Bengaluru after four hours hovering over city. Passengers were anxious over extended holding time.@DeccanHerald@anithapailoor@HubliCityeGroup@Hubballi_Infra@hublimandi@Namma_Dharwad@Namma_HDpic.twitter.com/3amTIeu4c6

— Arunkumar Huralimath (@arunkbh) April 20, 2026

अखेर बेंगळुरूमध्ये सुरक्षित लँडिंग, प्रवाशांनी सुटकेचा नि:श्वास सोडला  -
अखेर, हे विमान बेंगळुरूकडे वळवण्यात आले आणि सायंकाळी ७:३० च्या सुमारास केम्पेगौडा आंतरराष्ट्रीय विमानतळावर सुरक्षित लँडिंग करण्यात आले. या यशस्वी लँडिंगनंतर प्रवासी आणि त्यांच्या कुटुंबीयांनी सुटकेचा नि:श्वास सोडला. मात्र, या तांत्रिक बिघाडामुळे एअरलाइन्सच्या सुरक्षेवर प्रश्नचिन्ह उपस्थित केले जात आहे.