ऑनलाइन लोकमत
{{#config.logo.enabled}}
{{/allowed}}श्रीनगर, दि. २३ -
श्रीनगरमधील पूरग्रस्तांसोबत दिवाळी साजरी करण्यासाठी जम्मू - काश्मीरमध्ये गेलेल्या पंतप्रधान नरेंद्र मोदींनी पूरग्रस्तांसाठी ७४० कोटी रूपयांचे पॅकेज जाहिर केेले. हॉस्पिटलसाठी १७५ कोटी तर घरांच्या बांधणीसाठी ५७० कोटी रूपये केंद्र सरकार उपलब्ध करणार असल्याची घोषणा पंतप्रधान नरेंद्र मोदी यांनी केल्याने जम्मू काश्मीरमधील पूरग्रस्तांना ख-या अर्थाने मोदी यांनी दिवाळी भेट दिली आहे. जम्मू-काश्मिरमधील शिक्षण घेत असलेल्या मुली-मुलांना वह्या-पुस्तके उपलब्ध करण्यात येतील अशी माहितीही मोदी यांनी दिली. तत्पूर्वी पंतप्रधान नरेंद्र मोदी यांनी जम्मू-काश्मिरचे मुख्यमंत्री ओमर अब्दूल्ला यांची भेट घेतली. दरम्यान, पंतप्रधान नरेंद्र मोदी यांच्या जम्मू-काश्मिर दौ-यावर काँग्रेसने टीका केली असून हा सर्व पब्लिस्टंट असल्याचे काँग्रसेने म्हटले आहे. पंतप्रधान मोदी यांनी आज सियाचीनमधील जवानांचीही भेट घेतली. भारतातील प्रत्येक नागरिक तुमच्या खांद्याला खांदा लावून तुमच्यासोबत आहे असे आश्वासनही मोदींनी या जवानांना दिले.
दिवाळीनिमित्त श्रीनगरमध्ये आलेल्या मोदींनी गुरुवारी सकाळी सियाचीनमधील जवानांसोबत काही क्षण घालवला. बिकट स्थितीतही देशाची रक्षा करणा-या या जवानांचे कौतुक करताना मोदी म्हणाले, केवढीही उंची असो किंवी थंडी, आमच्या जवानांना कोणीच रोखू शकत नाही. ते जिथे उभं राहून भारताची सेवा करतात त्याचा प्रत्येकाला गौरव वाटतो. जवानांशी संवाद साधल्यावर मोदी पूरग्रस्तांना भेटण्यासाठी श्रीनगरमध्ये जाणार आहेत. श्रीनगरमध्ये नॅशनल क़ॉन्फरन्स, पीडीपी या पक्षांचे शिष्टमंडळही त्यांची भेट घेणार आहे.
या दौ-यासाठी रवाना होण्यापूर्वी मोदींनी ट्विटरद्वारे त्यांच्या भावना मांडल्या. सियाचीनमध्ये कार्यरत असलेल्या शूरवीर जवानांसोबत वेळ घालवणे ही माझ्यासाठी गौरवास्पद बाब असल्याचे त्यांनी म्हटले होते.