वीरशैव व्हिजनतर्फे व्याख्यानाचे आयोजन

सोलापूर :
महात्मा बसवेश्वर यांच्या जयंतीनिमित्त वीरशैव व्हिजनतर्फे दि.16 ते 18 एप्रिलदरम्यान डॉ. निर्मलकुमार फडकुले सभागृहात सायंकाळी 6 वा. बसव व्याख्यानमालेचे आयोजन करण्यात आले आहे, अशी माहिती राजशेखर बुरकुले यांनी पत्रकार परिषदेत दिली.
दि.16 एप्रिल रोजी हिंदवी परिवाराचे संस्थापक डॉ. शिवरत्न शेटे हे ‘महात्मा बसवेश्वर: आद्य समाज क्रांतिकारक’ या विषयावर व्याख्यान देणार आहेत. दि.17 एप्रिल रोजी ‘महात्मा बसवेश्वरांचा स्त्री गौरव’ या विषयावर प्रा.डॉ. शोभा कराळे या दुसरे पुष्प गुंफणार आहेत. तर दि.18 एप्रिल रोजी प्रा. भीमराव पाटील हे जगातील ‘पहिली संसद : अनुभव मंटप’ या विषयावर व्याख्यान देणार आहेत.
दि.16 एप्रिल रोजी व्याख्यानापूर्वी कार्यक्रमाचे उद्घाटन होणार आहे. यावेळी पालकमंत्री विजयकुमार देशमुख, पंचकमिटीचे अध्यक्ष धर्मराज काडादी, डॉ. शिवमूर्ती शाहीर, कृषी उत्पन्न बाजार समितीचे सभापती राजशेखर शिवदारे, सिद्धेश्वर बमणी, अनिल सिंदगी, प्रकाश वाले, नरेंद्र गंभीरे, र्शीशैल नरोळे, बसवेश्वर जन्मोत्सव मध्यवर्ती महामंडळाचे अध्यक्ष प्रकाश हत्ती उपस्थित राहणार आहेत. दि.18 एप्रिल रोजी कार्यक्रमाचा समारोप होणार असून यावेळी बसव समिती बंगळुरुचे अध्यक्ष अरविंद जत्ती, माजी पालकमंत्री दिलीप सोपल, आमदार सिद्धाराम म्हेत्रे, विश्वनाथ चाकोते, गजानन धरणे, डॉ. उमाकांत चनशे?ी, महेश अंदेली, दशरथ वडतिले उपस्थित राहणार आहेत. पत्रकार परिषदेस नागेश बडदाळ, संजय साखरे, आनंद दुलंगे, प्रसाद बसवंती, सोमेश्वर याबाजी, आशा पाटील, अप्पासाहेब पसारगे उपस्थित होते. (प्रतिनिधी)