डेहराडून : डेहराडून आंतरराज्य बसस्थानकात दिल्लीहून उत्तर प्रदेशातील एका अल्पवयीन मुलीवर सामूहिक बलात्काराचे प्रकरण उघडकीस आले. याप्रकरणी पोलिसांनी रविवारी पाच आरोपींना अटक केली.
१२ ऑगस्ट रोजी घडलेल्या या घटनेची माहिती शनिवारी मिळाली. त्यानंतर तातडीने कारवाई करत पोलिसांनी सीसीटीव्ही फुटेज तपासून गुन्ह्यातील बस शोधली आणि आरोपींना अटक केली. त्यात धर्मेंद्र कुमार (३२), राजपाल (५७), देवेंद्र (५२), राजेशकुमार सोनकर (३८), रवी कुमार (३४) अशी आरोपींची नावे आहेत.
बंगळुरूत लिफ्ट देणाऱ्यानेच केला अत्याचार
बंगळुरूत रविवारी पहाटे एका अज्ञात दुचाकीस्वाराने लिफ्ट दिलेल्या एका विद्यार्थिनीवर लैंगिक अत्याचार केल्याची घटना उघडकीस आली. ही तरुणी कोरमंगला येथील पार्टीनंतर हेब्बागोडी येथे घरी परतत होती. तिच्या कारला अपघात झाला हाेता. तिने स्वतः पोलिस हेल्पलाइनवर मदत मागितली. मात्र, पोलिस पोहोचेपर्यंत ती तेथून निघून गेली. त्यानंतर तिने लिफ्ट मागितली.