उत्तर प्रदेश सरकार आणि स्वामी अविमुक्तेश्वरानंद यांच्यातील संघर्षामुळे आता भारतीय जनता पक्षात असंतोष निर्माण झाला आहे. मध्य प्रदेशच्या माजी मुख्यमंत्री उमा भारती यांनी त्यांच्या "शंकराचार्य" असल्याच्या पुराव्याच्या मागणीवर टीका केली आहे. प्रशासनाच्या अधिकाराचे आणि शिष्टाचाराचे उल्लंघन असल्याचे म्हणत उमा भारती यांनी त्यांच्या पोस्टमध्ये उत्तर प्रदेशचे मुख्यमंत्री योगी आदित्यनाथ यांनाही टॅग केले आहे.
UGC च्या नव्या नियमानं मोठा वाद! खुल्या प्रवर्गातील विद्यार्थ्यांचं आंदोलन; भाजपाविरोधात संताप
उमा भारती यांनी अविमुक्तेश्वरानंद आणि उत्तर प्रदेश सरकार यांच्यात सकारात्मक तोडगा निघण्याची आशा व्यक्त करताना प्रशासनाने शंकराचार्य असल्याचा पुरावा मागितला आहे हे चुकीचे असल्याचे म्हटले आहे. उमा भारती यांनी सोशल मीडियावर एक पोस्ट लिहिली. यामध्ये त्यांनी 'स्वामी अविमुक्तेश्वरानंद जी महाराज आणि उत्तर प्रदेश सरकार यांच्यात सकारात्मक तोडगा निघेल असा मला विश्वास आहे, परंतु प्रशासकीय अधिकाऱ्यांनी शंकराचार्य असल्याचा पुरावा मागितल्याने प्रशासनाने त्यांच्या प्रतिष्ठेचे आणि अधिकारांचे उल्लंघन केले आहे, हा अधिकार फक्त शंकराचार्यांचा आणि विद्वत परिषदेचा आहे, असंही यामध्ये म्हटले आहे'
या पोस्टमध्ये उमा भारती यांनी भाजप खासदार, भाजप उत्तर प्रदेश, उत्तर प्रदेश मुख्यमंत्री कार्यालय आणि ज्योतिर्मठ यांना टॅग केले आहे.
माघ मेळा प्रशासनाने नोटीस बजावली
शंकराचार्यांनी माघ मेळ्यात घडलेल्या घटनांबाबत प्रशासनाने दुर्लक्ष केल्याचा आरोप करत मौनी अमावस्येला उपवास सुरू केला होता. हा भाविक आणि संत समुदायामध्ये सतत चर्चेचा विषय राहिला आहे. सर्वोच्च न्यायालयाच्या नोटीसचा हवाला देत, प्रयागराज मेळा प्राधिकरणाने स्वामी अविमुक्तेश्वर नंद सरस्वती यांना नोटीस बजावून उत्तर मागितले.
शंकराचार्य काय म्हणाले होते?
शंकराचार्य हे इतर तीन पीठांच्या शंकराचार्यांद्वारे ओळखले जाणारे आहेत. इतर दोन पीठ, द्वारका पीठ आणि शृंगेरी पीठाचे शंकराचार्य त्यांना शंकराचार्य म्हणतात, असा दावा त्यांनी केला होता. स्वामी अविमुक्तेश्वरानंद सरस्वती यांनी सांगितले की, गेल्या माघ मेळ्यात दोन्ही शंकराचार्यांनी त्यांच्यासोबत स्नान केले होते. जेव्हा शृंगेरी आणि द्वारकेचे शंकराचार्य दावा करत आहेत की ते शंकराचार्य आहेत, तेव्हा ते शंकराचार्य आहेत की नाही हे ठरवण्यासाठी कोणत्या पुराव्याची आवश्यकता आहे, असे स्वामी अविमुक्तेश्वरानंद सरस्वती यांनी उत्तर दिले.
Web Summary : Uma Bharti criticized demanding proof of Shankaracharya status, tagging Yogi's office. She deemed it a violation of decorum, hoping for resolution between Avimukteshwaranand and Uttar Pradesh government. Swami Avimukteshwaranand questioned the need for proof when other Shankaracharyas recognize him.
Web Summary : उमा भारती ने शंकराचार्य के प्रमाण मांगने की आलोचना की, योगी कार्यालय को टैग किया। उन्होंने इसे मर्यादा का उल्लंघन बताया, अविमुक्तेश्वरानंद और उत्तर प्रदेश सरकार के बीच समाधान की उम्मीद जताई। स्वामी अविमुक्तेश्वरानंद ने प्रमाण की आवश्यकता पर सवाल उठाया जब अन्य शंकराचार्य उन्हें पहचानते हैं।