दिल्ली विमानतळावर 'मानवी सांगाडा' सापडला, गोंधळ उडाला; पोलिसांनी फॉरेन्सिक तपासणीसाठी पाठवला

दिल्ली विमानतळाच्या टर्मिनल ३ वर प्रवाशांच्या बॅगा तपासत असताना एका सांगाड्यासारखी दिसणारी वस्तू आढळल्याने गोंधळ उडाला. दिल्ली पोलिसांनी हा सांगाडा फॉरेन्सिक तपासणीसाठी पाठवला आहे.

दिल्लीविमानतळाच्या टर्मिनल ३ वर शोध मोहिमेदरम्यान मानवी सांगाड्यासारखी दिसणारी वस्तू आढळल्याने गोंधळ उडाला. दिल्ली पोलिसांनी हा सांगाडा फॉरेन्सिक तपासणीसाठी पाठवला आहे. सुरुवातीच्या तपासात तो वैद्यकीय विद्यार्थ्यांनी वापरला जाणारा डेमो सांगाडा असल्याचे उघड झाले.

गुरुवारी दिल्लीच्या इंदिरा गांधी आंतरराष्ट्रीय विमानतळाच्या टर्मिनल ३ वर सुरक्षा कर्मचाऱ्यांना मानवी सांगाड्यासारखी दिसणारी एक वस्तू आढळली. यामुळे परिसरात गोंधळ उडाला. विमानतळ सुरक्षा आणि दिल्ली पोलिसांनी तातडीने तपास सुरू केला.

पोलिसांनी दिलेली माहिती अशी, हा सांगाडा एक डेमो सांगाडा होता, तो वैद्यकीय विद्यार्थ्यांकडून शैक्षणिक उद्देशाने वापरला जातो. हा सांगाडा विद्यार्थ्याच्या सामानात सापडला, यामुळे त्याचा कोणत्याही गुन्हेगारी कारवायांशी संबंध नसल्याचे स्पष्ट झाले.

कोणत्याही शंका दूर करण्यासाठी, दिल्ली पोलिसांनी सांगाडा फॉरेन्सिक तपासणीसाठी पाठवला आहे. अधिकाऱ्यांनी सांगितले की फॉरेन्सिक विश्लेषणातून वैज्ञानिकदृष्ट्या हे सिद्ध होईल की सापडलेले अवशेष प्रत्यक्षात शैक्षणिक प्रशिक्षणासाठी वापरला जाणारा डेमो सांगाडा आहे की मानवी आहे.