न्यायालयाच्या निकालाला आव्हान देणार ‘आप’

पटियाला मेट्रोपॉलिटन न्यायालयाचा निकाल आपचे नेते अरविंद केजरीवाल यांच्या विरोधात गेला तर त्याला आव्हान देण्याचा निर्धार या पक्षाने केला आहे.

नवी दिल्ली : पटियाला मेट्रोपॉलिटन न्यायालयाचा निकाल आपचे नेते अरविंद केजरीवाल यांच्या विरोधात गेला तर त्याला आव्हान देण्याचा निर्धार या पक्षाने केला आहे. दरम्यान, पक्ष मोठ्या प्रमाणावर जनसंपर्क अभियान चालविणार असल्याचेही त्याने घोषित केले आहे. न्यायालयाने जामिनासाठी जातमुचलका भरण्यास सांगितले, तर तसे न करण्याचा निर्णय पक्षाने घेतल्याचे यावेळी सांगण्यात आले. आपचे नेते व वकील प्रशांतभूषण यांनी म्हटले, आम्ही न्यायालयाला सांगितले आहे की, त्या लोकांना जातमुचलका भरण्याची गरज नसते जे न्यायालयीन कामकाजादरम्यान उपस्थित राहण्यासाठी शपथपत्र देण्यास तयार असतात. अनेक गरीब लोक यासाठी कारागृहात बंद आहेत कारण ते मुचलका भरू शकत नाहीत. पक्षाचे ज्येष्ठ नेते संजय सिंग यांनी आम्ही मुचलका यासाठी भरणार नाही कारण ते आमच्या तत्त्वाच्या विरुद्ध आहे असे म्हटले. न्यायालयाचा निकाल आमच्या बाजूने लागला नाही तर त्याला आम्ही उच्च न्यायालयात आव्हान देऊ. आपचे संस्थापक व ज्येष्ठ विधिज्ञ शांतिभूषण यांनीही जात मुचलका न भरण्याच्या पक्षाच्या धोरणाला अधोरेखित केले. (लोकमत न्यूज नेटवर्क) आपचे अन्य ज्येष्ठ नेते आशुतोष यांनी केजरीवालांच्या अटकेसंदर्भातील वस्तुस्थितीची माहिती लोकांना देण्यासाठी मोठ्या प्रमाणात जनसंपर्क अभियान चालविले जाणार असल्याची माहिती दिली. पक्षाच्या उद्याच्या बैठकीनंतर कार्यकर्त्याचीही एक बैठक घेऊन तीत या जनसंपर्क अभियानाविषयी धोरणे निश्चित केली जातील. (लोकमत न्यूज नेटवर्क)