डॉक्टर म्हणाले, 'मी माघार घेऊ शकत नाही, मला देशाला वाचवायचे आहे', तीन दिवसानंतर मृत्यू

By ऑनलाइन लोकमत | Published: May 15, 2021 04:52 PM2021-05-15T16:52:44+5:302021-05-15T17:32:49+5:30

निधनापूर्वी त्यांनी काही लोकांशी फोनवरही चर्चा केली आणि कोरोनाला खबरदारी घेण्यास सांगितले.

corona warrior dr amit dayma death, motivational video viral | डॉक्टर म्हणाले, 'मी माघार घेऊ शकत नाही, मला देशाला वाचवायचे आहे', तीन दिवसानंतर मृत्यू

डॉक्टर म्हणाले, 'मी माघार घेऊ शकत नाही, मला देशाला वाचवायचे आहे', तीन दिवसानंतर मृत्यू

Next
ठळक मुद्देडॉ. अमित यांच्या निकटवर्तीयांचे म्हणणे आहे की, अमित यांचा कोरोनाची लागण झाली होती. मात्र ते योग्य  विश्रांती घेऊ शकले नाहीत.

अल्वर : "मी डॉक्टर आहे. ना देव किंवा योद्धा. जेव्हा मी आयसीयूमध्ये प्रवेश करतो, तेव्हा मला असे वाटते की रणांगणापेक्षा काही कमी नाही. आम्हाला या व्हायरस बॉम्बपासून आपल्याला आणि देशाला वाचवायचे आहे", असे सांगणारा एक व्हिडिओ डॉ. अमित दायमा यांनी डॉक्टर आणि सर्व फ्रंटलाइन वर्कर्सच्या सन्मानार्थ  त्यांना प्रोत्साहित करण्यासाठी सोशल मीडियावर अपलोड केला आहे. मात्र, तीन दिवसांनी दिल्लीतील रूग्णालयात कर्तव्य बजावताना डॉ. अमित दायमा यांचा मृत्यू झाला. व्हिडीओमध्ये डॉ. अमित हे सर्व डॉक्टरांचा आवाज बनले असून म्हणतात की, आमच्या विडंबनाची जाणीव करुन पाहा, मी सुद्धा मरत आहे, परंतु मला शहीदचा दर्जा मिळत नाही, देशाने आमच्यासाठी थाळी आणि घंटा वाजवली, मी त्यातही आनंदी असल्याचे जाणवते. (corona warrior dr amit dayma death, motivational video viral)

डॉ. अमित यांच्या निधनानंतर जो कोणी हा व्हिडिओ पाहत आहे, त्यांच्या डोळ्यात आपोआप अश्रू येत आहेत. डॉ. अमित हे बन्सूरचे तीन वेळा आमदार होते आणि ते माजी मंत्री जगतसिंग दायमा यांचे पुत्र होते. गुरुवारी रात्री उशिरा हृदयविकाराच्या झटक्याने ४० वर्षीय अमित यांचे निधन झाले. डॉ. अमित व्हिडीओमध्ये सांगत आहेत की, 'मलाही एक आई, एक मुलगा, एक कुटुंब आहे. प्रेमापोटी आई ही नोकरी सोडायला सांगते. पण माझे कर्तव्य मला ते करू देत नाही. मी कोरोना रूग्णांची सेवा देण्यासाठी आयसीयूमध्ये जातो तेव्हा माझे कुटुंब देखील घाबरते. पण आम्ही डॉक्टर कर्तव्यापासून माघार घेत नाही.'

(CoronaVirus : टास्क फोर्स राज्यातील डॉक्टरांशी संवाद साधणार, मुख्यमंत्रीही मार्गदर्शन करणार!)

मानवतेच्या बाबतीत भारत सर्वोत्कृष्ट 
या जागतिक साथीने काळाबाजार आणि लोकांना लुटण्याचे एक प्रकारे साधन बनवले आहे. या महामारीला माणुसकीचे उदाहरण बनवण्यासाठी त्यांनी हात जोडून विनंती केली आहे. संपूर्ण जगाने हे पहावे की मानवता, संस्कृती आणि संस्कारामध्ये भारत सर्वोत्कृष्ट आहे, असे डॉ. अमित यांनी व्हिडिओमध्ये म्हटले आहे. ते म्हणाले की आपली परिस्थिती समजून घेण्याचा प्रयत्न करा. या कोरोना संकट काळात आम्ही आमच्या कुटुंबीयांसोबत नाही आहेत. आपले कुटुंब सोडून आपले कर्तव्य बजावत आपण देशाला वाचवायचे आहे. आम्हाला थोडे प्रेम, सहानुभूती आणि आदर हवा आहे. डॉक्टर, पोलीस, सफाई कामगार, रुग्णवाहिका कामगार याशिवाय आणखी काही नको आहे. कारण तुम्ही सर्व माझी हिम्मत आहात.

कोरोनाची लागण झाल्यानंतरही आरोग्य सेवा करत होते
डॉ. अमित यांच्या निकटवर्तीयांचे म्हणणे आहे की, अमित यांचा कोरोनाची लागण झाली होती. मात्र ते योग्य  विश्रांती घेऊ शकले नाहीत. दरम्यान, ते कोरोनापासून देखील बरे झाला होते. त्यानंतर लगेचच त्यांनी रुग्णांची सेवा सुरू केली. निधनापूर्वी त्यांनी काही लोकांशी फोनवरही चर्चा केली आणि कोरोनाला खबरदारी घेण्यास सांगितले.

वाचकहो, 'लोकमत'ला टेलिग्रामवर फॉलो करताय ना?... अजून जॉईन केलं नसेल तर क्लिक करा ( @LokmatNews ) आणि मिळवा महत्त्वाचे अपडेट्स अन् ताज्या बातम्या!

Web Title: corona warrior dr amit dayma death, motivational video viral

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.

Open in app