BJP Tejasvi Surya News: संसदेचे हिवाळी अधिवेशन सुरू आहे. या अधिवेशन काळात भटके श्वान, वंदे मारतम्, मतचोरी या मुद्द्यांवरून सत्ताधारी आणि विरोधकांमध्ये जोरदार आरोप-प्रत्यारोप झाल्याचे पाहायला मिळाले. यातच संसद परिसरात पत्रकारांशी बोलताना भाजपा खासदाराने राहुल गांधी यांच्या परदेश दौऱ्यावरून टोलेबाजी करत भारतात राहणाऱ्या विरोधी पक्षनेत्याची देशाला गरज असल्याचे म्हटले आहे.
राहुल गांधी यांचे मन परदेशात असते. राहुल गांधी जबरदस्तीने भारतात राजकारण करत आहेत. राहुल गांधी हे अनिवासी भारतीय राजकारणी आहेत. भारताला अशा विरोधी पक्षनेत्याची गरज आहे, जो भारतात राहतो, देशाची खरोखर काळजी घेतो आणि आपले काम गांभीर्याने घेतो. राहुल गांधी भारतापेक्षा परदेशात जास्त राहतात, अशी टीका भाजपा खासदार तेजस्वी सूर्या यांनी केली.
काँग्रेस देशासाठी अधिक जबाबदार विरोधी पक्षनेते निवडेल
संसदेच्या अधिवेशनादरम्यान खासदाराला सुट्टी घेणे जवळपास अशक्य असते. संसदेचे अधिवेशन सुरू असताना राहुल गांधी यांचे परदेशात जाणे, हे त्यांना त्यांच्या कामाचे किती गांभीर्य आहे, ते दर्शवते. पुढील कार्यकाळात काँग्रेस देशासाठी अधिक जबाबदार विरोधी पक्षनेते निवडेल अशी मला आशा आहे, अशी टोलेबाजी तेजस्वी सूर्या यांनी केली. राहुल गांधी १५ ते २० डिसेंबर या कालावधीत जर्मनीला भेट देणार आहेत.
दरम्यान, राहुल गांधींच्या जर्मनी भेटीवर प्रश्न उपस्थित करणाऱ्या भाजपावर काँग्रेसच्या सरचिटणीस प्रियांका गांधी यांनी प्रत्युत्तर दिले. पंतप्रधान नरेंद्र मोदी त्यांचा अर्धा वेळ परदेशात घालवतात, मग लोकसभेतील विरोधी पक्षनेत्याच्या भेटीबद्दल प्रश्न का उपस्थित केले जात आहेत, अशी विचारणा प्रियंका गांधी यांनी केली.
Web Summary : BJP MP Tejasvi Surya criticized Rahul Gandhi's foreign trips, calling him a 'non-resident Indian politician'. Surya emphasized India needs a resident opposition leader who prioritizes the country. Priyanka Gandhi countered, questioning PM Modi's foreign visits.
Web Summary : भाजपा सांसद तेजस्वी सूर्या ने राहुल गांधी की विदेश यात्राओं की आलोचना करते हुए उन्हें 'अनिवासी भारतीय राजनेता' बताया। सूर्या ने जोर देकर कहा कि भारत को एक निवासी विपक्षी नेता की जरूरत है जो देश को प्राथमिकता दे। प्रियंका गांधी ने पीएम मोदी की विदेश यात्राओं पर सवाल उठाकर पलटवार किया।