रामललाच्या नगरीत, अयोध्येत एका धार्मिक कार्यक्रमादरम्यान मोठी दुर्घटना घडली आहे. येथील एका भव्य यज्ञशाळेत यज्ञ सुरू असताना अचानक आग लागली. या आगीने रौद्र रूप धारण केल्यामुळे परिसरातील अनेक पंडाल जळून खाक झाले आहेत. यज्ञकुंडात अर्पण केलेल्या एका नारळाचा जोरदार स्फोट झाला आणि त्यातील ठिणग्या बाजूच्या कापडी पंडालवर पडल्यामुळे ही आग लागल्याचे सांगण्यात येत आहे.
प्रत्यक्षदर्शींनी दिलेल्या माहितीनुसार, यज्ञशाळेत विधी सुरू असताना पूर्णाहुतीच्या वेळी किंवा प्रक्रियेदरम्यान एका नारळाचा स्फोट झाला. हा स्फोट इतका भीषण होता की, त्यातील आगीचे गोळे थेट छताला आणि बाजूच्या पंडालला जाऊन चिकटले. उन्हाळ्याचे दिवस आणि कोरड्या हवामानामुळे आगीने काही मिनिटांतच संपूर्ण यज्ञशाळेला विळखा घातला. बाजूला असलेले अनेक तात्पुरते पंडाल आणि भक्तांच्या निवासाची सोय असलेले तंबू या आगीच्या भक्ष्यस्थानी पडले आहेत. हा महायज्ञ उत्तर प्रदेशचे मंत्री दयाशंकर सिंह यांनी आयोजित केला होता.
भाविकांची पळापळ
आग लागली तेव्हा यज्ञशाळेत शेकडो भाविक उपस्थित होते. आग लागताच सर्वांची एकच पळापळ झाली. सुदैवाने, आतापर्यंत कोणत्याही जीवितहानीचे अधिकृत वृत्त नाही, मात्र मालमत्तेचे मोठे नुकसान झाले आहे. घटनेची माहिती मिळताच अग्निशमन दलाच्या गाड्या घटनास्थळी दाखल झाल्या आहेत. आगीवर नियंत्रण मिळवण्याचे काम युद्धपातळीवर सुरू आहे. स्थानिक प्रशासन आणि पोलीस दल बचाव कार्यासाठी घटनास्थळी तैनात आहेत.
सुरक्षेचा प्रश्न: अयोध्येत सध्या मोठ्या प्रमाणावर धार्मिक कार्यक्रम सुरू आहेत. अशा वेळी यज्ञशाळा आणि पंडालमध्ये अग्निशमन सुरक्षा नियमांचे पालन झाले होते का? याची चौकशी आता सुरू झाली आहे.
Web Summary : A major fire erupted at an Ayodhya Yagya Shala after a coconut exploded during rituals. The blaze quickly spread, consuming nearby pandals. Hundreds fled the scene. Firefighters are battling the flames. An investigation into safety standards is underway.
Web Summary : अयोध्या में एक यज्ञशाला में अनुष्ठान के दौरान नारियल फटने से भीषण आग लग गई। आग तेजी से फैली और आसपास के पंडाल जल गए। सैकड़ों लोग भाग गए। दमकलकर्मी आग बुझाने में जुटे हैं। सुरक्षा मानकों की जांच जारी है।