राजस्थानमधील श्रीगंगानगर जिल्ह्यात लष्करी सरावादरम्यान एक मोठी दुर्घटना घडली. इंदिरा गांधी कालव्यात भारतीय लष्कराचा एक टँक बुडाला. या दुर्दैवी अपघातात एका लष्करी जवानाचा मृत्यू झाला.
मंगळवारी सकाळी सैनिकांना टँकमध्ये कालवा ओलांडण्याचे प्रशिक्षण देण्यात येत असताना ही घटना घडली. श्री गंगानगरमधील इंदिरा गांधी कालव्यात हा सराव सुरू होता. या सरावादरम्यान टँकमध्ये दोन सैनिक उपस्थित होते.
टँक कालव्याच्या मध्यभागी पोहोचताच वेगाने बुडू लागला. एका सैनिकाला बाहेर काढण्यात यश आले, परंतु दुसरा अडकला. अनेक तासांच्या ऑपरेशननंतर सैनिकाचा मृतदेह बाहेर काढण्यात आला.
माहिती मिळताच, राज्य आपत्ती प्रतिसाद दल आणि नागरी संरक्षण दलाच्या पथकांसह पोलिसांनी घटनास्थळी पोहोचून मृतदेह बाहेर काढला. बुधवारी शवविच्छेदन केले जाईल असे पोलिसांनी सांगितले.
प्रशिक्षण सराव दरम्यान अपघात
पोलिसांनी दिलेल्या माहितीनुसार, नियमित प्रशिक्षण सराव सुरू होता, यामध्ये बख्तरबंद वाहने टँक कालवा ओलांडण्याचा सराव करत होती, तेव्हा टँक अडकला आणि बुडू लागला. दोन सैनिक टँकमध्ये होते. यामध्ये एकजण बाहेर येण्यात यशस्वी झाला. तर दुसरा अडकला आणि त्याचा मृत्यू झाला.
Web Summary : During training in Rajasthan, an army tank sank in a canal, tragically resulting in the death of one soldier. The incident occurred while soldiers were practicing canal crossing. One soldier escaped, but another was trapped and died. Rescue operations were conducted.
Web Summary : राजस्थान में प्रशिक्षण के दौरान एक नहर में सेना का टैंक डूब गया, जिससे एक सैनिक की दुखद मौत हो गई। सैनिक नहर पार करने का अभ्यास कर रहे थे। एक सैनिक बच गया, लेकिन दूसरा फंस गया और उसकी मृत्यु हो गई। बचाव अभियान चलाया गया।