Ahmedabad Plane Crash:गुजरातमधील अहमदाबादमध्ये एअर इंडियाच्या विमानाचा भीषण अपघात झाला. या विमानात २४२ लोक प्रवास करत होते. या अपघाताने जगाला धक्का बसला. यामध्ये अनेकांचा मृत्यू झाल्याचे वृत्त आहे. ते एअर इंडियाचे AI 171विमान होते. हे विमान अहमदाबादहून लंडनला जात होते.
या अपघातामुळे आता हवाई प्रवासाच्या सुरक्षेवर प्रश्न उपस्थित होत आहेत. दरम्यान, आता विमानामध्ये प्रवास करत असताना कोणती सीट सर्वात सुरक्षित आहे, या चर्चा सुरू आहेत. जगभरात अनेक विमान अपघात झाले, यामध्ये काहीजण सुरक्षित असल्याचे सापडले आहेत. चला जाणून घेऊ विमानात कोणती सीट सुरक्षित आहे.
मागील सीट सर्वात सुरक्षित
गेल्या वर्षी डिसेंबरमध्ये दक्षिण कोरिया आणि कझाकस्तानमध्ये विमान अपघात झाले होते. या अपघाताचे व्हिडीओ आणि फोटो पाहिले तर विमानाच्या मागील सीटवर बसलेले लोक वाचल्याचे समोर आले. दक्षिण कोरियामध्ये झालेल्या अपघातानंतर संपूर्ण विमान जळून खाक झाले होते, पण विमानाच्या मागील भाग फक्त व्यवस्थित राहिला होता.
तसेच कझाकस्तानमधील झालेल्या अपघातामध्येही मागील बाजूल बसलेले लोक वाचले होते. विमानाचा मागील भाग तुलनेने कमी नुकसानग्रस्त होता.यामुळे विमानाच्या मागील बाजूची जागा अधिक सुरक्षित असल्याचा दावा अनेकांनी केला आहे.
अशी अनेक उदाहरणे आहेत
२०१३ मध्ये सॅन फ्रान्सिस्को येथे झालेल्या अपघातामध्येही मागील सीटवर बसलेले लोक वाचले होते. तर १९८९ मध्ये सिओक्स सिटीमध्येही विमान अपघात झाला होता. या अपघातात विमानातील २६९ प्रवाशांपैकी १८४ जण बचावले. त्यापैकी बहुतेक जण इकॉनॉमी क्लासच्या पुढच्या भागात बसले होते. या अपघातामध्येही मागील बाजूस बसलेले लोक वाचले होते.
मागील सीट सुरक्षित का असते?
अनेक विमान अपघातांमध्ये पुढच्या सीटवर बसलेल्यांना जास्त धोका झाला आहे. अपघातादरम्यान विमानाच्या मागचा भाग अनेकदा टक्कर पासून वाचतो. पण, आपल्याकडे विमानाच्या मागील सीटवर बसायला अनेकजण नकार देतात. याचे कारण म्हणजे मागच्या बाजूला असलेले वॉशरूम, कमी लेगरूम आणि आपत्कालीन बाहेर पडण्याची जागा. विमानातील क्रू मेंबर्स देखील मागच्या भागात बसलेले असतात.
कोणती सीट असुरक्षित?
विमानातील मागील बाजूच्या सुरक्षित असल्या तर कोणत्या सीट असुरक्षित आहेत हा प्रश्न पडतो. विमानात मधल्या सीट सर्वात असुरक्षित मानल्या जातात.
विमानातील मधल्या सीटच्या बाजूला विमानाचे पंखे असतात. या पंख्यांमध्ये विमानाचे इंधन भरलेले असते. विमान क्रॅश झाल्यास इंधन टाक्यांना आग लागण्याची सर्वात जास्त शक्यता असते. यामुळे मधल्या सर्वात असुरक्षित मानल्या जातात.