२००२ साली घडलेल्या बहुचर्चित नितीश कटारा ऑनर किलिंग प्रकरणामधील दोषी आरोपी सुखदेव यादव उर्फ पहलवान याचा अपघाती मृत्यू झाला आहे. हा अपघातउत्तर प्रदेशमधील कुशीनगर येथे मंगळवारी रात्री १०च्या सुमारास एका भरधाव कारने सुखदेव यादवच्या दुचाकीला धडक दिल्याने झाला, अशी माहिती पोलिसांनी दिली. नितीश कटारा हत्या प्रकरणात सुखदेव यादव याला कोर्टाने २० वर्षांची शिक्षा सुनावली होती. तसेच हल्लीच तो तुरुंगातून सुटला होता.
याबाबत मिळालेल्या अधिक माहितीनुसार सुखदेव यादव आणि आणखी दोघेजण दुचाकीवरून जात असताना कुशीनगरमधील तमकुही रोड परिसरात एका भरधाव कारने दुचाकीला धडक दिली. ही धडक एवढी जोरदार होती की, त्यात ५५ वर्षीय सुखदेव यादव याचा जागीच मृत्यू झाला. तर त्याच्यासोबत दुचाकीवर असलेले विजय गुप्ता आणि भगवत सिंह हे गंभीर जखमी झाले. अपघातानंतर कारचालक घटनास्थळावरून फरार झाला. स्थानिकांनी मदतीसाठी पुढे येत जखमींनी रुग्णालयात दाखल केले. तर पोलिसांनी मृतदेह ताब्यात घेऊन शवविच्छेदनासाठी पाठवला.
सुखदेव यादव हा दिल्लीतील बहुचर्चित नितीश कटारा हत्या प्रकरणातला एक आरोपी होता. तसेच कोर्टाने त्याला दोषी ठरवले होते. या प्रकरणी माजी खासदार डी.पी. यादव यांचा मुलगा विकास यादव आणि पुतण्या विशाल यादव यांनाही शिक्षा झाली होती. १६ फेब्रुवारी २००२ रोजी रात्री नितीश कटारा याचं गाझियाबाद येथील विवाह सोहळ्यातून अपहरण करून त्याची हत्या करण्यात आली होती. नितीश कटारा आणि विकास यादव याची बहीण भारती यादव यांच्यात प्रेमप्रकरण सुरू होती. ही बाब प्रतिष्ठेचा विषय करून यादव कुटुंबीयांनी नितीश कटारा याची हत्या केली होती. या प्रकरणी तिघांना २० वर्षांची शिक्षा झाली होती.
Web Summary : Sukhdev Yadav, convicted in the Nitish Katara murder, died in a road accident in Kushinagar, Uttar Pradesh. He was recently released from prison after serving 20 years. Two others were injured in the accident. The driver fled the scene.
Web Summary : नीतीश कटारा हत्याकांड में दोषी सुखदेव यादव की कुशीनगर, उत्तर प्रदेश में एक सड़क दुर्घटना में मौत हो गई। वह 20 साल की सजा काटने के बाद हाल ही में जेल से रिहा हुआ था। दुर्घटना में दो अन्य घायल हो गए। चालक मौके से फरार हो गया।