ओझर टाऊनशिप : पंधरा दिवसांपूर्वी ओझर येथे झालेल्या एका घरफोडीप्रकरणी ओझर पोलिसांनी दोन अल्पवयीन मुलांसह तिघांना शिताफीने अटक केली. त्यांच्याकडून एक लाख रुपये किमतीचे चार तोळे वजनाचे सोने हस्तगत केले.ओझर येथील सीमा पानगव्हाणे यांच्या घराचे चोरट्याने कुलूप तोडून घरात प्रवेश करून कपाटातून सव्वापाच तोळे वजनाचे दागिने चोरून नेल्याचा गुन्हा दाखल केला होता. पोलिसांनी राहुल धनराज बडगुजर (२०), रा. सिडको, करण आण्णा कडूसकर (१६) व उध्दव अशोक राजगिरे (१६) (दोघेही, रा. उपनगर, नाशिक) यांना नाशिकरोड येथे शिताफीने अटक केली. त्यांच्याकडून चार तोळे सोने (किंमत एक लाख रूपये) हस्तगत केले. दरम्यान, त्यांच्याकडून आणखी काही चोऱ्यांचे गुन्हे उघडकीस येण्याची शक्यता असल्याचे पोलीस निरीक्षक बहिरट यांनी सांगितले.(वार्ताहर)
{{#config.logo.enabled}}
{{/allowed}}