टीसीएस प्रकरण; पीडितेवर रिसॉर्टमध्ये झाला अत्याचार

TCS Case News: टीसीएस कंपनीतील महिला सहकाऱ्यांवर कथित लैंगिक अत्याचार व धर्मांतर प्रयत्न प्रकरणात  संशयितांकडून पीडितेवर रिसॉर्टमध्ये अत्याचार केले जात असल्याची माहिती समोर आली आहे.

 नाशिक - टीसीएस कंपनीतील महिला सहकाऱ्यांवर कथित लैंगिक अत्याचार व धर्मांतर प्रयत्न प्रकरणात  संशयितांकडून पीडितेवर रिसॉर्टमध्ये अत्याचार केले जात असल्याची माहिती समोर आली आहे. यामध्ये विशेष तपास पथकाने त्र्यंबकेश्वर रस्त्यावरील एका रिसॉर्टमध्ये जाऊन सखोल चौकशी केली असून  सीसीटीव्ही फुटेज ताब्यात घेतले आहे. पंचनामा दरम्यान तपासासाठी महत्त्वाची माहिती मिळाल्याचे सूत्रांनी सांगितले.

कंपनीतील लॉबी व पॅन्ट्री भागाचीही तपासणी करून फॉरेन्सिक पुरावे गोळा केले आहेत. दरम्यान, देवळाली कॅम्प पोलिसांत पहिला गुन्हा दाखल झाल्यानंतर पीडित महिलांना विश्वासात घेऊन  घटनाक्रम जाणून घेतला. पीडितेच्या तक्रारीनुसार, तिला टेकडीवर व रिसॉर्टमध्ये  नेऊन अत्याचार केला.

दुसरी संशयित महिला निदा खान अद्याप फरारच
या प्रकरणात ऑपरेशन मॅनेजर आश्विनी चैनानी हिच्यावरही संशय व्यक्त होत असून, आरोपींना ऑनड्यूटी असताना बाहेर जाण्यास मदत केली का, याबाबत तपास सुरू आहे.
दरम्यान, या गुन्ह्यातील दुसरी महिला संशयित निदा खान अद्याप फरार  आहे.  निदा हीच इतर आरोपींची सहकारी असून, ती मुलींना विशिष्ट धार्मिक पद्धतींचे प्रशिक्षण देत असल्याची माहिती पुढे आली आहे. तिचा शोध सुरू आहे.