‘त्या’ सभासदांचे सभासदत्व होणार रद्द

ठराव : यशवंतराव चव्हाण पतसंस्थेची वार्षिक सभा

कळवण : यशवंतराव चव्हाण नागरी सहकारी पतसंस्थेच्या संचालकांविरु द्ध व संस्थेविरु द्ध सहकार विभागाकडे तक्र ारी दाखल करून संस्थेच्या हिताला व संस्थेचे आर्थिक नुकसानीला जबाबदार असणाऱ्या सभासदांचे सभासदत्व सहकारी संस्था नियमानुसार रद्द करण्याचा ठराव आज झालेल्या संस्थेच्या २८व्या वार्षिक सर्वसाधारण सभेत सभासदांनी अवाजवी बहुमताने मंजूर केला . त्या सभासदावरु न वादळी ठरु पहाणारी वार्षिक सर्वसाधारण सभा जेष्ठांच्या हस्तक्षेपामुळे खेळीमेळीने व शांततेत पार पडली.यशवंतराव चव्हाण पतसंस्थेच्या २५ कोटी रु पयांच्या ठेवी असून आर्थिक वर्षांत ३० लाख रु पयांचा नफा झाला असून संस्था अ वर्गात असल्याचा अभिमान असल्याचे सांगून सभासदांना१५ टक्के लाभांश व कर्जात एक टक्का कपात करण्याची घोषणा संस्थेच्या अध्यक्षा सौ अनिता महाजन यांनी वार्षिक सर्वसाधारण सभेत अध्यक्षस्थानावरु न केली.लाडशाखीय वाणी समाज मंगल कार्यालयात पतसंस्थेच्या अध्यक्षा, अनिता महाजन यांच्या अध्यक्षतेखाली पतसंस्थेची २८ वी वार्षिक सर्वसाधारण सभा पार पडली. यशवंतराव चव्हाण पतसंस्थेतील ठेवीदारांना ठेवी काढून घेण्याबाबत त्या सभासदाकडून सांगितले जात असल्याचे सभासद निलेश महाजन यांनी सभेत त्या सभासदांचे नाव घेऊन सांगून याबाबत संचालक मंडळाकडे खुलासा मागितल्यावर सभासदांकडून प्रश्नांची सरबत्ती सुरु झाली. सभासदांवर संस्थेची सभासद व ठेवीदार यांच्याकडे केलेल्या बदनामी विरोधात अब्रूनुकसानीचा ठराव दाखल करावा अशी जोरदार मागणी सभासद हेमंत कोठावदे यांनी सभेत केली. सर्वसाधारणसभेत अ‍ॅड परशुराम पगार, रवींद्र देवरे, के के शिंदे,नितीन अमृतकार, सुनील महाजन, सुमनताई देवरे, योगेश मालपूरे, हेमंत बोरसे, मनोज पगार, संजय पगार, राजेंद्र पवार, डॉ पी एच कोठावदे, प्रविण संचेती, प्रा निंबा कोठावदे आदींनी सहभाग घेऊन चर्चा केली. (वार्ताहर)