ओबीसी मोर्चा नियोजनार्थ घोटी येथे बैठक

ओबीसी मोर्चा नियोजनार्थ घोटी येथे बैठक

 घोटी : राष्ट्रवादीचे ज्येष्ठ नेते छगन भुजबळांच्या समर्थनार्थ काढण्यात येणाऱ्या मोर्चाच्या नियोजनासाठी खंबाळे येथील शासकीय विश्रामगृह येथे बैठकीचे आयोजन करण्यात आले होते. ज्यांनी विकासावर भर देत राज्य समृद्ध केले अशा भुजबळ कुटुंबीयांना सरकारने त्रास देत सूडबुद्धीने छगन भुजबळांना अटक केली. याविरोधात आपण मूकमोर्चा काढणार असून, हा मार्चा भुजबळ यांच्यावर झालेल्या अन्यायाविरुद्ध असून, कोणत्याही जातिधर्माविरोधात नाही तसेच मोर्चामुळे कोणाच्या भावना दुखावणार नाही, असे सांगत सर्वपक्षीय नेत्यांसह नागरिकांनी मार्चाला उपस्थित रहावे, असे आवाहन बाळासाहेब कर्डक यांनी केले. यावेळी उदय जाधव, गोरख बोडके, सुनील वाजे, पंचायत समितीचे उपसभापती पांडुरंग वारुंगसे, यशवंत दळवी, शिवा काळे, रामदास घारे यांची इगतपुरी तालुका मोर्चा नियोजन समितीवर निवड करण्यात येऊन त्यांना जास्तीत जास्त नागरिकांना सोबत घेण्याच्या सूचना जिल्हाध्यक्ष कर्डक यांनी दिल्या. बैठकीस प्रदेश सरचिटणीस दिलीप खैरे, माजी जि.प. सदस्य उदय जाधव, गोरख बोडके, नगरसेवक यशवंत दळवी, शिवाभाऊ काळे, उमेश खातळे, पोपट भागडे, सरपंच हरिचंद्र चव्हाण, विष्णू चव्हाण, श्रीराम लाहामटे, नारायण वळकंदे, वसीम सैयद, मदन कडू, प्रवीण भागवत, अनिल भोपे, रामदास गव्हाणे, अनिल काळे, संदीप खेडकर, अर्जुन काळे, संतोष कडू आदि कार्यकर्ते उपस्थित होते. (वार्ताहर)