Malegaon Dongrale News: मालेगाव तालुक्यातील एका गावात चिमुकलीवर झालेल्या अत्याचाराचे तीव्र पडसाद उमटले. या घटनेच्या निषेधार्थ आणि आरोपीला तातडीने कठोरता कठोर शिक्षणा देण्याच्या मागणीसाठी मालेगाव बंद पाळण्याबरोबरच मोर्चा काढण्यात आला. आंदोलकांनी न्यायालयातच शिरण्याचा प्रयत्न केला. त्यामुळे पोलिसांना लाठीचार्ज करत आंदोलकांना पांगवावे लागले. यामुळे काही काळ तणाव निर्माण झाला होता.
तीन वर्षाच्या मुलीवर एका २३ वर्षीय आरोपीने आधी अत्याचार केला आणि त्यानंतर तिची दगडाने ठेचून हत्या केली. या संशयित आरोपीला पोलिसांनी अटक केली. गुरुवारी (२० नोव्हेंबर) आंदोलकांनी पोलिसांची गाडी अडवून आरोपीवर हल्ला करण्याचा प्रयत्न केला होता. त्यानंतर शुक्रवारीही अशीच परिस्थिती निर्माण झाली.
मालेगाव बंदची हाक देत मोर्चा काढण्यात आला. यात मंत्री दादा भुसे यांच्यासह इतर पक्षांचे नेते आणि लोक मोठ्या संख्येने सहभागी झाले होते. हा मोर्चा मालेगाव न्यायालयाच्या परिसरात आला. त्यानंतर आंदोलक आक्रमक झाले. आरोपीला लवकरात लवकर फाशीची शिक्षा करण्यात यावी, अशी मागणी करत घोषणाबाजी करण्यात आली.
आंदोलकांनी न्यायालयात शिरण्याचा केला प्रयत्न
आंदोलक न्यायालयाच्या समोर आले. त्यानंतर काही आंदोलकांनी मुख्य प्रवेशद्वार आणि संरक्षण भिंतीवरून न्यायालयात शिरण्याचा प्रयत्न केला. आंदोलकांना आवरणे नियंत्रणाबाहेर जात असल्याचे लक्षात येताच पोलिसांनी लाठीचार्ज सुरू केला. पोलिसांनी लाठीचार्ज केल्यानंतर आंदोलक न्यायालय परिसरातून पांगले. त्यामुळे परिसरात काही काळ तणावाची परिस्थिती निर्माण झाली होती.
आरोपीला व्हीसी द्वारे न्यायालयासमोर हजर करण्यात आले
या प्रकरणात पोलिसांनी अटक केलेल्या आरोपीला लोकांमुळे न्यायालयात आणण्याचे टाळण्यात आले. आरोपीला व्हिडीओ कॉन्फरन्सिगद्वारे न्यायालयासमोर हजर करण्यात आले. न्यायालयाने आरोपीला सात दिवसांची पोलीस कोठडी सुनावली आहे.
मनोज जरांगे पाटलांनीही व्यक्त केला संताप
"कोपर्डी बलात्कार प्रकरणातील आरोपीला आजतागायत फाशी झालेली नाही. आपण या प्रकरणात स्वतः सरकारपर्यंत जाऊन प्रश्न उपस्थित करणार आहोत. महाराष्ट्रात बालिकांवर अत्याचारांची मालिका सुरू असून, सरकारने तातडीने ठोस पावले उचलली नाहीत, तर राज्यभर तीव्र आंदोलनाचे पडसाद उमटतील", असा इशारा मनोज जरांगे पाटील यांनी पीडितेच्या कुटुंबीयांची भेट घेतल्यानंतर राज्य सरकारला दिला आहे.
Web Summary : Malegaon erupted in protest after a heinous crime against a minor. Demonstrators demanding justice clashed with police outside the courthouse, leading to a tense situation. Police used lathi charge to disperse crowd. The accused was presented via video conference.
Web Summary : मालेगांव में एक नाबालिग के खिलाफ जघन्य अपराध के बाद आक्रोश फैल गया। न्याय की मांग कर रहे प्रदर्शनकारियों की अदालत के बाहर पुलिस से झड़प हो गई, जिससे तनावपूर्ण स्थिति पैदा हो गई। भीड़ को तितर-बितर करने के लिए पुलिस ने लाठीचार्ज किया। आरोपी को वीडियो कॉन्फ्रेंस के जरिए पेश किया गया।