देशातील विविध राज्यांच्या विधानसभा निवडणुकांचे एक्झिट पोल समोर आले असून, आसाममध्ये पुन्हा एकदा एनडीए सत्तेत येताना दिसत आहे. मात्र, पश्चिम बंगालमध्ये एक्झिट पोलच्या निकालांनी धक्का दिला असून, काही मोजक्या एजन्सींनी तृणमूल काँग्रेसला तर बहुतांश एजन्सींनी भाजपला बहुमत दिले आहे.
आसाम: भाजपचा वरचष्माAxis My India च्या एक्झिट पोलनुसार, आसाममध्ये पुन्हा एकदा भाजपच्या नेतृत्वाखालील एनडीए सरकार स्थापन होण्याची दाट शक्यता आहे. NDA ला ८८ ते १०० जागा, तर काँग्रेसला २४ ते ३६ जागा मिळण्याचा अंदाज आहे. एनडीएला ४८% मते मिळतील, जे काँग्रेसच्या ३८% पेक्षा १० टक्क्यांनी जास्त आहेत.
पश्चिम बंगाल: 'ममता दीदी' की 'दादा'?बंगालमध्ये एक्झिट पोलच्या निकालांमध्ये मोठी तफावत आहे, ज्यामुळे निकालाचा सस्पेन्स वाढला आहे. 'पीपुल्स पल्स'ने तृणमूलला १७७ ते १८७ जागांसह बहुमताचा अंदाज दिला आहे. तर 'प्रजा पोल'ने भाजपला १७७ जागा, तर 'मॅट्रिझ'ने १४६ ते १६१ जागा मिळतील असा दावा केला आहे. पी-मार्क या एजन्सीने भाजपला १५० ते १७५ आणि टीएमसीला ११८ ते १३८ जागा मिळतील असे म्हटले आहे. चाणक्य स्ट्रॅटेजिजने देखील भाजपाला कल दिला असून ममतांना 130-140 आणि भाजपाला 150-160 जागा दाखविल्या आहेत.
पाँडीचेरी: तरुणांची 'TVK'ला साथ, ज्येष्ठांचा 'NDA'वर विश्वासपुडुचेरीमध्ये एनडीए ४०% मतांसह आघाडीवर आहे. विशेष म्हणजे, १८-२९ वयोगटातील ५०% पेक्षा जास्त तरुणांनी अभिनेता विजय यांच्या TVK+ पक्षाला पसंती दिली आहे, तर ६० वर्षांवरील ५२% ज्येष्ठांनी एनडीएला साथ दिली आहे.
केरळ: युडीएफला निसटती आघाडी'वोट वाइब'च्या अंदाजानुसार केरळमध्ये सत्तांतर होऊ शकते. येथे यूडीएफला ७० ते ८० जागा मिळताना दिसत आहेत, तर सत्तेत असलेल्या एलडीएफला ५८ ते ६८ जागांवर समाधान मानावे लागू शकते.
Web Summary : Exit polls predict a close contest in West Bengal. Assam likely favors NDA. Puducherry sees youth backing TVK. Kerala may witness UDF victory, according to 'Vote Vibe'.
Web Summary : एग्जिट पोल पश्चिम बंगाल में कड़ी टक्कर की भविष्यवाणी करते हैं। असम में एनडीए की संभावना। पुडुचेरी में युवाओं का टीवीके को समर्थन। 'वोट वाइब' के अनुसार केरल में यूडीएफ की जीत हो सकती है।