Ashok Kharat : "कुटुंबात वाईट घटना, मृत्यूची भीती"; खरातने लाखो रुपये उकळलेले, कवडीमोल भावात जमीन खरेदी

Ashok Kharat : भोंदू अशोक खरात पीडिताला तसेच त्याच्या कुटुंबातील सदस्याच्या मृत्यूची भीती दाखवून लाखो रुपये स्वीकारत असे. ए

भोंदू अशोक खरात पीडिताला तसेच त्याच्या कुटुंबातील सदस्याच्या मृत्यूची भीती दाखवून लाखो रुपये स्वीकारत असे. एवढेच नव्हे तर त्याने मिरगाव येथील १५ ते २० लाखांची जमीन अशाच प्रकारे कवडीमोल भावात नावावर करून घेतल्याची चर्चा आहे.

एसआयटीच्या तपासात खरातकडून होत असलेल्या फसवणुकीचे अनेक फंडे बाहेर पडत असून त्यामुळे अधिकारीदेखील चक्रावले आहेत. मिरगाव (ता. सिन्नर) येथील एका कुटुंबाची १६ लाखांची जमीन अल्प किमतीत घेण्यासाठी खरातने संबंधित कुटुंबाकडे तगादा लावला. तुमची जमीन शापित असून ती न विकल्यास घरात कुटुंबात वाईट घटना घडेल, अशी भीती घातली. 

भोंदू खरातने पुण्यात मुलीच्या नावे १ कोटी ३० लाखांचा घेतला फ्लॅट; कॅश नेटवर्कचे अनेक पैलू उघड

याच दरम्यान कुटुंबातील एका तरुण मुलीचा मृत्यू झाला. याचा गैरफायदा घेत खरातने, जमीन न विकल्यास घरातील आणखी दोघांचा मृत्यू होऊ शकतो, अशी भीती दाखवत हवी असलेली शेतजमीन पत्नीच्या नावे करून घेतली. याच जमिनीवर ईशान्येश्वर महादेव मंदिराची उभारणी केल्याची बाब समोर आली आहे.

गुप्तधनाचा मोह, प्रगतीची आस; संकटातून बाहेर पडण्यासाठी महिला भोंदू अशोक खरातच्या जाळ्यात

जमीन व्यवहारप्रकरणी दोन डॉक्टरांची चौकशी

जमिनीच्च्या अनेक व्यवहारांमध्ये खरातसोबत असणाऱ्या शहरातील दोन डॉक्टरांची एसआयटी पथकाने चौकशी केल्याची माहिती सूत्रांनी दिली. यात एका डॉक्टरचे राजकीय कनेक्शन सांगितलं जात आहे. दोन ते तीन जमिनीच्या व्यवहारात हे डॉक्टर सोबत होते.

भोंदूबाबा अशोक खरातने शेतकऱ्याची १० कोटींची जमीन हडपली; सावकारीचा धंदा जोरात

नाशिक शहराला लागून असलेल्या जमिनीच्या व्यवहारप्रकरणी चौकशी झाल्याचे सांगण्यात येत आहे. प्रारंभी भोंदू खरातला गुंगीचे औषध विक्री केल्याप्रकरणी या डॉक्टरांची चौकशी झाल्याचंही समजतं.