पालकांच्या मदतीने शाळेचा वीजपुरवठा सुरळीत

यावेळी मुख्याध्यापक ठोंबरे यांनी क्षणाचाही विलंब न लावता सोशल डिस्टन्सिंग व सॅनिटायझरसह शासनाच्या नियमांचे पालन करून शाळा व्यवस्थापन समिती व पालकांशी संपर्क करून सभा घेतली. यावेळी वीज बिलाबद्दल माहिती देत शाळेचा वीजपुरवठा खंडित करू नये अशी विनंती उपस्थित वीज कंपनीच्या कर्मचाऱ्याकडे केली. त्यांनी मुख्याध्यापकांच्या विनंतीला मान देऊन त्वरित खंडित होणारा वीजपुरवठा काही कालावधीसाठी चालू ठेवला. परंतु आलेला प्रश्न या ठिकाणी सुटलेला नव्हताण प्रश्न कायमस्वरूपी सुटावा यासाठी मुख्याध्यापक ठोंबरे यांनी पालकांची बैठक घेण्याचे ठरविले. त्यानुसार शाळेचा वीज बिला संदर्भाचा प्रश्न मांडून पालकांना शाळेत असलेल्या डिजिटल साहित्य व त्यासाठी आवश्यक असणारा विद्युतपुरवठा किती महत्त्वाचा आहे हे समजावून सांगितले. यावेळी पालकांनी हा विषय समजून घेत आम्ही वर्गणी काढून वीज बिल भरणार असल्याचे सांगितले व तत्काळ शाळा व्यवस्थापन समितीचे अध्यक्ष रवींद्र वसावे, धीरू वसावे, विजय गावीत, कृष्णा वसावे, गोविंद वसावे, लता वसावे, राजू वसावे, दिलीप वसावे व सुरेश वसावे यांनी पुढाकार घेत इतर पालकांना याबद्दल समजावून सांगत वर्गणी जमा केली. जमलेल्या वर्गणीतून पाच हजार ४० रुपयांचा वीज भरणा केलाण यापुढेही पालकांचा गट करून प्रत्येक महिन्याचे वीज बिल भरणार असल्याचे ठरविण्यात आले. या निर्णयाबद्दल शाळेचे मुख्याध्यापक बालकिसन ठोंबरे व उपशिक्षिका अलका पाडवी यांनी सर्व पालकांचे, शाळा व्यवस्थापन समितीचे शाळेच्यावतीने आभार मानले. या उपक्रमाचे केंद्रप्रमुख कदमबांडे, विस्तार अधिकारी पवार व गटशिक्षणाधिकारी चौरे यांनी कौतुक केले.