काम सुरु असलेल्या रस्त्यावर कंपाऊंड

लोकमत न्यूज नेटवर्कनंदुरबार : समशेरपूर ते करणखेडापर्यंत रस्त्याचे काम सुरू आहे. एका शेतकऱ्याने जमीनीची मालकी असल्याचा दावा करीत या रस्त्यावर काम सुरू असतानाच त्यावरुन कंपाऊंड केले आहे. त्यामुळे संबंधित विभाग व शेतकरी यांच्यातील वाद पुन्हा चव्हाट्यावर आला आहे.नंदुरबार शहरातून दोन महामार्ग व एक राज्यमार्ग जाणार असल्याने ताण वाढण्याची शक्यता वर्तविण्यात आली. त्यानुसार एक वळण रस्ताही उपलब्ध करुन द्यावा, अशी मागणी करण्यात आली होती. मागणीची दखल घेत रस्ता मंजूर करण्यात आला. या रस्त्याच्या रुंदीकरणसाठी आवश्यक ती जमीन अधीग्रहण करयात आली. अ‍ॅन्युटी योजनेंतर्गत होणाºया रस्त्याच्या कामात समशेरपूर ते करणखेडा हा रस्ता तयार केला जात आहे. पूर्वी हा रस्ता होता, परंतु तो जिल्हा मार्ग म्हणून ओळखला जात होता. परंतु दोन राज्यांच्या सिमेवरून जाणारा आणि दोन राष्टÑीय महामार्गांना जोडणारा रस्ता म्हणून त्याकडे पाहिले जात असल्यामुळे त्याचे रुंदीकरण करण्यात येत आहे.हा साधारणत: ३५ किलोमिटरचा मार्ग असून रुंदीकरण केले जात आहे. नव्याने तयार होणाºया या रस्त्या रुंदी १० मिटर राहणार आहे. विसरवाडी-सेंधवा महामार्गापासून निधून सुजालपूर, शिंदे, खोडसगाव, आडछी, गुजरभवाली, जांभोली आणि करणखेडा येथे हा रस्ता पुन्हा विसरवाडी-सेंधवा महामार्गाला मिळणार आहे.अशा या महत्वपूर्ण रस्त्याचे काम सुरू असतानाच समशेरपूर फाट्याजवळ एका शेतकºयाने ही जागा त्याच्या मालकीची असल्याचा दावा केला आहे. एवढेच नव्हे तर काम सुरु असलेल्या रस्त्यावरुनच कंपाडऊंड देखील त्याने केले आहे. त्यामुळे संबंधित प्रशासन यंत्रणा व या शेतकऱ्यांमधील वाद चव्हाट्यावर येत असल्याचे दिसून येत आहे. जागेचे अधिग्रहण झाल्यानंतरच कामाला सुरुवात झाल्याचे म्हणत या रस्त्याचे काम सुरू करण्यात आले असले तरी संबंधित शेतकºयामार्फतही मालकी त्यांच्याकडे असल्याचा दावा केला जात आहे. त्यामुळे नेमकी जागा कोणाच्या ताब्यात असो प्रश्नही उपस्थित केला जात आहे.मालकीचा दावा केलेली जागा ही समशेरपूर शिवारात येत आहे. त्याचा मालक मात्र नवापूर येथील असल्याचे कळते. या रस्त्याचे काम चार वर्षांपासून सुरू आहे. या कालावधीत आजपर्यंत या ठिकाणी केलेले कंपाऊंड या आधी तीन वेळा काढण्यात आले असून चौथ्यांदाही तेथे कंपाऊंड करण्यात आले आहे. त्यामुळेहा वाद वाढण्याची शक्यता आहे.