कुरंगी येथे आरोग्य उपकेंद्र इमारतीचे भूमिपूजन

जि.प. सदस्य गोविंद पटले, पं.स. सदस्य योगेश पाटील यांच्या प्रयत्नाने आरोग्य सभापती जयश्री पाटील यांनी खेडदिगर गटातील कुरुंगी या आदिवासी भागातील गावात आरोग्य उपकेंद्र मंजूर केले. या केंद्राच्या इमारतीचे भूमिपूजन आमदार राजेश पाडवी यांच्या हस्ते करण्यात आले. कुरंगी परिसरात आठ किलोमीटरच्या आत कुठलेही शासकीय आरोग्य केंद्र नसल्याने नागरिकांना आरोग्याविषयी समस्यांना तोंड द्यावे लागत होते. ते आता या आरोग्य केंद्राच्या निर्मितीनंतर येथील नागरिकांचा आरोग्याचा प्रश्न बऱ्यापैकी सुटेल, असे मत आमदार राजेश पाडवी यांनी व्यक्त केले. कार्यक्रमास सातपुडा साखर कारखान्याचे चेअरमन दीपक पाटील, तालुका अध्यक्ष शशिकांत पाटील, जि.प.चे माजी सदस्य सुनील चव्हाण, गोविंद पटले, उपसरपंच डॉ. विजय चौधरी, अनिल भामरे, शरद साळुंखे, ओबीसी मोर्चाचे जिल्हा उपाध्यक्ष योगेश पाटील, आदिवासी मोर्चाचे जिल्हा उपाध्यक्ष दंगल सोनवणे, खेडदिगरच्या संरपच मंजुळाबाई मुसळदे, तालुका उपाध्यक्ष शांतीलाल पाटील, गोपाल गांगुर्डे, गोपाल पावरा, कुरंगीचे सरपंच महेंद्र शेमळे, युवा मोर्चाचे जिल्हा उपाध्यक्ष रमाशंकर माळी, सरपंच सुभाष वाघ, शिवाजी चव्हाण, अण्णा चव्हाण, उपसरपंच सुनील पवार, विठ्ठलराव बागले, प्रवीण वळवी, प्रवीण पाटील, दिलीप पाटील, संजय पाटील, काशीनाथ पाटील, दामळदाचे सरपंच हरेरामा मालचे, कैलास पाटील, विकास सोसायटीचे चेअरमन नरेंद्र पाटील, ओंकार पाटील, भरत पाटील आदींसह ग्रामस्थ उपस्थित होते.