Gold Silver Price News: लग्नसराईच्या काळात सोनं-चांदी झाली स्वस्त; दिल्ली ते मुंबई काय आहे किंमत? पाहा २४K, २२K,१८K सोन्याचा दर

Gold Silver Price News: आज सोने आणि चांदीच्या किमतीत झालेली घट लग्नसराईत खरेदी करणाऱ्यांसाठी एक चांगली संधी ठरू शकते. ४ मे २०२६ रोजी मल्टी कमोडिटी एक्सचेंज ऑफ इंडिया (MCX) वर सोन्याचा भाव १,५१,०८३ रुपये प्रति १० ग्रॅम आणि चांदीचा भाव २,५१,१९४ रुपये प्रति किलोवर बंद झाला. आज अमेरिकेपासून भारतापर्यंतच्या वायदा बाजारात घसरण दिसून येत असून घरगुती सराफा बाजारातही हीच स्थिती आहे.

शुक्रवारी MCX वर सोन्याचा भाव १,५१,३६३ रुपये प्रति १० ग्रॅम आणि चांदीचा भाव २,५१,००० रुपये प्रति किलोवर बंद झाला होता. आज व्यवहाराच्या सुरुवातीला सोन्यात घसरणच दिसून आली, तर चांदीमध्ये किरकोळ तेजीनंतर पुन्हा घसरण सुरू होऊन ती २,५०,७३० रुपये प्रति किलोवर आली.

SBI कडून ५० लाख रुपयांचं Home Loan हवंय? जाणून घ्या तुमच्या पगाराची अट आणि मासिक EMIचं गणित

लग्नाच्या हंगामात खरेदीची संधी

भारतात सध्या लग्नसराईचा हंगाम सुरू असल्यानं सोन्या-चांदीची खरेदी वाढते. ज्यांच्या कुटुंबात लग्नं आहेत, त्यांना जास्त किंमत देऊनही खरेदी करावी लागते. अशा परिस्थितीत, सराफा बाजारातील आजची ही घसरण गुंतवणूकदारांसाठी खरेदीची संधी ठरत आहे. दिल्ली, मुंबई, कोलकाता, चेन्नईसह अनेक शहरांमध्ये आज चांदी आणि सोन्याच्या किमती खाली आल्या आहेत.

चांदीच्या किमतीची स्थिती

गेल्या आठवड्यात चांदीच्या किमतीत सुमारे ५००० रुपयांची वाढ नोंदवण्यात आली होती. मात्र, या आठवड्याच्या सुरुवातीपासूनच कमोडिटी बाजारात घसरणीचे संकेत मिळत आहेत. दीर्घकाळात सोने-चांदीसारख्या धातूंच्या किमतीत वाढ होऊ शकते, पण अल्पकाळात या किमती जागतिक बाजारातील बदलत्या परिस्थितीवर अवलंबून आहेत. चांदी अजूनही तिच्या ४,२०,००० रुपयांच्या 'ऑल टाइम हाय' रेकॉर्डपेक्षा १,६९,२७० रुपयांनी खाली आहे.

दिल्ली, मुंबई, कोलकाता, बंगळुरू आणि हैदराबाद: चांदीची किंमत २,६५,००० रुपये प्रति किलो झाली आहे. तर चेन्नईत चांदीची किंमत २,६९,९०० रुपये प्रति किलो झाली आहे.

**काय आहेत नवे दर?**
शहर	२४ कॅरेट	२२ कॅरेट	१८ कॅरेट
दिल्ली	₹1,51,130	₹1,38,500	₹1,13,500
मुंबई	₹1,50,930	₹1,38,350	₹1,13,200
कोलकाता	₹1,50,930	₹1,38,350	₹1,13,200
चेन्नई	₹1,52,720	₹1,39,990	₹1,16,790
बंगळुरू	₹1,50,930	₹1,38,350	₹1,13,200

English

हिंदी सारांश

Web Title : Gold, silver prices dip during wedding season; check city rates.

Web Summary : Gold and silver prices have fallen, offering a buying opportunity during the wedding season. MCX gold closed at ₹1,51,083 per 10 grams. Silver prices have also decreased, making it a favorable time for investment.