पश्चिम बंगालमधील २९३ जागांच्या मतमोजणीत सुरुवातीच्या कलानुसार भाजपने ऐतिहासिक कामगिरी करत बहुमताचा आकडा पार केला आहे. सध्याच्या कलानुसार भाजप १६० जागांवर तर तृणमूल काँग्रेस ११७ जागांवर आघाडीवर आहे. विशेष म्हणजे, २०२१ च्या तुलनेत भाजपच्या मतांच्या टक्केवारीत मोठी वाढ झाली असून, तृणमूल काँग्रेसच्या मतांच्या टक्केवारीत कमालीची घट झाली आहे.
भाजपची मतांची टक्केवारी वधारली२०२१ च्या विधानसभा निवडणुकीत भाजपला ३८.१% मते मिळाली होती, ती आता ४५% पर्यंत पोहोचताना दिसत आहेत. दुसरीकडे, तृणमूल काँग्रेसचा मतांचा वाटा ४८.५९% वरून घसरून ४२% वर आला आहे. या आकडेवारीवरून स्पष्ट होते की, तृणमूलच्या बालेकिल्ल्यांना भगव्याने खिंडार पाडले आहे.
कुठे आघाडी, कुठे सन्नाटा?
भवानीपूर मतदारसंघातून मुख्यमंत्री ममता बॅनर्जी यांनी आपली आघाडी कायम ठेवली आहे, तर भाजपचे सुवेंदू अधिकारी पिछाडीवर आहेत. पंतप्रधान मोदींनी प्रचारादरम्यान ज्या भागात 'झालमुडी' खाल्ली होती, त्या झाडग्राम, बिनपूर, गोपीबल्लभपूर आणि नयाग्राम या चारही जागांवर भाजपने मोठी आघाडी घेतली आहे. निकाल विरोधात जात असल्याचे पाहून तृणमूल काँग्रेसच्या कार्यालयाबाहेर सध्या सन्नाटा पसरला आहे.
एका जागेवर पुन्हा मतदानराज्यातील २९३ जागांचे निकाल आज स्पष्ट होतील. मात्र, फाल्टा विधानसभा मतदारसंघात काही अनियमिततेमुळे निवडणूक आयोगाने मतदान रद्द केले आहे. तिथे २१ मे २०२६ रोजी पुनर्मतदान होईल आणि त्याचे निकाल २३ मे रोजी जाहीर होतील.
Web Summary : Early trends show BJP gaining significantly in West Bengal, surpassing expectations. While TMC leads with 117 seats, BJP is close behind with 160. BJP's vote share surged to 45%, while TMC's declined to 42%. Mamata Banerjee leads in Bhawanipore.
Web Summary : शुरुआती रुझानों में पश्चिम बंगाल में भाजपा महत्वपूर्ण बढ़त बनाती दिख रही है। टीएमसी 117 सीटों के साथ आगे है, जबकि भाजपा 160 सीटों के साथ करीब है। भाजपा का वोट शेयर 45% तक बढ़ा, जबकि टीएमसी का 42% तक गिर गया। भवानीपुर में ममता बनर्जी आगे हैं।