लोंढरे येथील धरणाला अनेक वर्षांपासून मोठ्या प्रमाणावर गळती लागून पाणी वाया जात होते. शेतकऱ्यांनी अनेक वर्षांपासून दुरुस्तीचे काम काम व्हावे अशी मागणी करून संबंधित विभागाकडून काही महिन्यापूर्वीच त्याची दुरुस्ती करण्यात आली. मात्र ही दुरुस्तीही योग्य पद्धतीने करण्यात आली नसल्याने जुन्या काळातला सिमेंटचा बंधारा असल्याने मागील साईटला काँक्रिट टाकून पुन्हा दुरुस्ती करावी. जेणेकरून लोंढरे, कुकावल, कहाटूळ शिवारातील शेतकऱ्यांच्या शेतीपर्यंत पाणी जाईल याबाबत अधिकाऱ्यांनी दक्षता घ्यावी, अशा सूचना देण्यात आल्या.
लघुसिंचन विभागाच्या अधिकाऱ्यांनी केटिवेअर बंधारे दाखवण्यास टाळले
लघुसिंचन विभागाच्या माध्यमातून दुर्गम भागातील रंगूमती, सुकी नदी व नाल्यांमध्ये केटिवेअर बंधारे बांधण्यात आलेले आहेत. त्यात व्यवस्थित पाणी साचते का, अशी विचारणा अधिकाऱ्यांकडे केली. संबंधित बंधाऱ्यांची पाहणी करायची का, असे आमदारांनी विचारले असता अधिकाऱ्यांनी मात्र ते टाळले. उभादगड हद्दीतील प्रकल्पाचीही पाहणी करण्यात आली. त्या प्रकल्पाची प्रशासनाकडून दुरुस्ती करण्यासाठी संबंधित विभागाकडून एस्टिमेट तयार दुरुस्त करून द्यावी, अशी मागणी करण्यात आली. त्यावेळी मात्र लघुसिंचन विभागाचे अधिकारी उपस्थित नव्हते.
या वेळी जि.प.चे माजी उपाध्यक्ष जयपालसिंह रावल, डॉ. कांतीलाल टाटिया, पं.स.चे माजी सदस्य विजय पाटील, भीमराव माळी, भाजपचे तालुका उपाध्यक्ष जितेंद्र पाटील, विठोबा माळी, महात्मा ज्योतीबा युवा मंचचे अध्यक्ष ईश्वर माळी, बामखेडाचे मनोज चौधरी, आशाबाई भिल, माजी उपसरपंच चंद्रकांत पाटील, सरपंच संगीता पवार, सनेल भिल, माजी सरपंच बापू मराठे, सुनील पाटील, वसंत चौधरी, राजेंद्र रामोळे, रवींद्र रामोळे, फेस येथील मणिलाल पाटील यांच्यासह परिसरातील शेतकरी, पाटबंधारे विभाग, मध्यम प्रकल्प व लघुसिंचन विभाग विभागाचे अधिकारी उपस्थित होते.