लोकमत न्यूज नेटवर्कनंदुरबाऱ/बामखेडा : बामखेडा येथील कोरोना रुग्णाला जिल्हाबाहेरच कोरोनाची लागण झाल्याचा अंदाज वर्तविला जात आहे. त्यामुळे नाशिक येथेच त्यांच्यावर उपचार करण्यात येणार आहे. त्यामुळे जिल्ह्यातील कोरोना बाधीतांच्या संख्येत देखील त्यांचा समावेश करण्यात येत नसल्याचे स्पष्ट करण्यात आले आहे. दरम्यान, शनिवारी दुपारी ११९ अहवाल प्राप्त झाले असून ते सर्व निगेटिव्ह असल्याने जिल्हावासीयांना दिलासा मिळाला आहे.गेल्या काही दिवसांपासून प्रलंबीत असलेल्या १४६ अहवालांपैकी ११९ अहवाल शनिवारी प्राप्त झाले. सर्वच अहवाल निगेटिव्ह आल्याने जिल्हावासीयांचा आणि प्रशासनाचाही जीवात जीव आला. धुळे येथील तपासणी प्रयोग शाळेवर जळगाव, मालेगाव व धुळे येथील अहवालांचा मोठा ताण आहे. त्या ठिकाणी अधीक पेशंट सापडत असल्यामुळे तेथील नमुन्यांचे अहवाल लवकर द्यावे लागत असतात. त्यामुळे नंदुरबारचे अहवाल वेटींगवर ठेवण्यात आले होते. ही संख्या तब्बल दीडशेपर्यंत पोहचली होती. त्यामुळे अहवालांकडे सर्वाचे लक्ष लागून होते. त्यातील ९५ अहवला शनिवारी प्राप्त झाले.बामखेडा सतर्ककोरोनाचा एक रुग्ण बामखेडा तर्फे तºहाडी, ता. शहादा येथे आढळला असून खबरदारी म्हणून पूर्ण बामखेडा गाव तसेच ५ किमी परिसर १८ मे पर्यंत पूर्ण प्रतिबंधित (लॉकडाउन) म्हणून घोषित करण्यात आलेला आहे. किराणा दुकाने, जनरल स्टोर्स, कापड दुकाने, भाजीपाला विक्रेते, मासविक्री केंद्र ,पेट्रोल पंप, सर्व आस्थापने कार्यालय आदी संपूर्णपणे बंद ठेवण्याचे आदेश जिल्हाधिकारी व प्रांतधिकारी याच्या वतीने देण्यात आलेले आहे. पीडिताच्या घराच्या आजुबाजूच्या १०० मीटर भाग प्रशासनाने पूर्णपणे सील केला आहे.गावातील किडनी रोगाने त्रस्त रुग्ण धुळे येथील खाजगी रुग्णालयात एक दिवस राहून दुसऱ्या दिवशी नाशिक येथील खाजगी रुग्णालयात नेण्यात आले. त्याच्या महिनाभर अगोदर तो २ ते ३ खाजगी डॉक्टरांकड़े इलाज करीत होता. त्या नंतर नाशिक येथे तपासणी केले असता त्या रुग्नाच्या अहवाल हा कोविड १९ पॉजिटिव आला. रुग्णाची ट्रॅव्हल हिस्ट्री प्रशासनाकडून तपासली जात आहे. या प्रकारामुळे मात्र पंचक्रोशीत भितीचे वातावरण निर्माण झाले आहे. प्रशासनाने ग्रामस्थांना सतर्क राहून प्रशासनाच्या सुचनांचे पालन करण्याचे आवाहन केले आहे. गावात शुकशुकाट असून ग्रामस्थ घरातच बसणे पसंत करीत आहे. सर्वच जण आवश्यक त्या उपाययोजना स्वत:हून करून प्रशासनाला सहकार्य करीत आहेत.शुक्रवारी रात्रीच प्रशानातर्फे संपुर्ण गावात जंतूनाशक फवारणी करण्यात आली. काही भाग प्रतिबंधीत करण्यात आला असून काट्याचे कुंपन तसेच बॅरीकेटींग करण्यात आले आहे. संपुर्ण गावात सर्व व्यवहार बंद ठेवण्याचे निर्देश यापूर्वीच देण्यात आले. रुग्णाच्या संपर्कातील २७ जण ट्रेस करण्यात आले आहेत. रात्रीच त्यापैकी १३ जणांचे स्वॅब तपासणीसाठी घेण्यात आले आहेत.प्रांताधिकारी डॉ. चेतन गिरासे, तहसीलदार मिलिंद कुलकर्णी, सहानिरीक्षक चंद्रकांत सरोदे, बीडीओ सी.टी गोस्वामी, आरोग्य अधिकारी डॉ. मोहने, तलाठी नरेश मोरे, पोलिस पाटील डॉ. योगेश चौधरी, सरपंच लीना चौधरी नियंत्रण ठेऊन आहेत.
आज आलेल्या अहवालांमध्ये बहुतेक अहवाल हे आष्टे व नंदुरबार येथे आढळलेल्या कोरोना पेशंटच्या संपर्कातील दुसऱ्या व तिसºया साखळीतील व्यक्तींचे व जिल्हा रुग्णालयातील कर्मचाऱ्यांचे होते. त्यामुळे अशा व्यक्तींनी सुटकेचा नि:श्वास सोडला. उर्वरित अहवालांमध्ये आता काहींना त्रास जाणवल्याने स्वत:हून आलेले रुग्ण त्व्यक्तींचे अहवाल आहेत.