कोविड लसीकरणाची तयारी भारत सरकारतर्फे सुरू असून राष्ट्रीय तज्ज्ञांचा गट यांच्या सूचनेनुसार आरोग्य कर्मचाऱ्यांना लस देण्यात येईल. यात शासकीय व खाजगी आरोग्य कर्मचाऱ्यांचा समावेश राहणार आहे. खाजगी दवाखान्यातील ज्या आराेग्य कर्मचाऱ्यांनी अद्यापही कोविड लसीकरणासाठी आपले नाव पोर्टलवर नोंदणी केलेले नाही त्यांनी तात्काळ आपली नावे महापालिकेच्या जंगमवाडी दवाखाना येथे नोंदवावीत, असे सांगितले. बैठकीला आरोग्य विभागाचे प्रमुख अजितपालसिंघ संधू, मनपा वैद्यकीय अधिकारी डॉ. सुरेशसिंह बिसेन, समन्वय अधिकारी डॉ. हनुमंत रिठ्ठे, लसीकरण अधिकारी डॉ. बालाप्रसाद कुंटूरकर, निमाचे डॉ. अविनाश वडजे, लॉयन्स क्लब मिड टाऊनचे योगेशकुमार जयस्वाल आदी उपस्थित होते.
चौकट...........
सर्व सामान्यांनाही उत्सुकता
कोविडची लस येणार म्हणून प्रशासकीय पातळीवर नियोजन सुरू आहे. या लसीकरणाचा प्राधान्यक्रमही शासनाने ठरवून दिला आहे. मात्र, लस नेमकी कधी येणार, हे अद्यापही स्पष्ट झालेले नसल्याने याबाबत सर्वसामान्य नागरिकांतही मोठी उत्सुकता आहे.