अपघातातील तरुणाचा मृत्यू
नांदेड : हदगाव येथे डॉ. बाबासाहेब आंबेडकर यांची जयंती साजरी करून गावाकडे परत येणाऱ्या एका तरुणाचा अपघात झाला होता. अपघातातील या जखमीचा उपचारादरम्यान मृत्यू झाला आहे.
गणेश नारायण वाघमारे (रा. तामसा) हा तरुण १४ एप्रिल रोजी हदगाव येथे डॉ. बाबासाहेब आंबेडकर यांची जयंती साजरी करुन एमएच २६, बीएस ३७४६ या क्रमांकाच्या दुचाकीवरून गावाकडे परत येत होता. यावेळी दुचाकीला डोरली गावात अपघात झाला होता. अपघातात जखमी वाघमारे यांच्यावर उपचार केले होते. उपचारादरम्यान त्यांचा मृत्यू झाला. या प्रकरणात हदगाव पोलीस ठाण्यात आकस्मिक मृत्यूची नोंद करण्यात आली आहे.
गावठी बंदुक पोलिसांनी केली जप्त
शहरातील तरोडा बु. भागात विराट धाब्याच्या समोर बेकायदेशीररीत्या जवळ गावठी बंदूक बाळगल्याप्रकरणी एकाला अटक करण्यात आली. ३० एप्रिल रोजी ही कारवाई करण्यात आली. यावेळी पोलिसांनी २५ हजारांची बंदूक जप्त केली असून, या प्रकरणात भाग्यनगर पोलीस ठाण्यात गुन्हा नोंदविण्यात आला आहे.