नागपूर : नंदनवन येथे अज्ञात आरोपींनी दोन कारला आग लावली आहे. जुना बगडगंज निवासी प्रीतपालसिंह हंसपाल यांनी आपल्या घराजवळ कार क्रमांक एमएच/४९/एई/०४०८ व एमपी/५०/सी/२९२८ पार्क केल्या होत्या. अज्ञात आरोपीने दोन्ही वाहनांना आग लावली. यात जवळपास ८० हजार रुपयाचे नुकसान झाले. नंदनवन पोलिसांनी प्रकरणाची नोंद केली आहे.
---
जळाल्याने बालकाचा मृत्यू
नागपूर : आगीत होरपळल्याने आठ महिन्याच्या बालकाचा मृत्यू झाला आहे. धनगवळीनगर, वाठोडा येथील रहिवासी शिवशंकर साहू यांचा आठ महिन्याचा मुलगा प्रियांश ११ मार्च रोजी सकाळी स्वयंपाकघराजवळ खेळत होता. गॅसवर दूध गरम करण्यासाठी ठेवले होते. सिलेंडर व रेग्युलेटरमध्ये आग पोहोचल्याने त्याची आच प्रियांशपर्यंत पोहोचली आणि त्यात तो होरपळला. मेडिकलमध्ये उपचारादरम्यान त्याचा मृत्यू झाला. वाठोडा पोलिसांनी आकस्मिक मृत्यूची नोंद केली आहे.
...............