Nagpur Crime News: गांजावरून काही दिवसांअगोदर झालेल्या वादाचे रक्तरंजित पडसाद उमटले व भर रस्त्यावर तरुणाची हत्या करण्यात आली. अजनी पोलिस ठाण्याच्या हद्दीतील जादूमहल ते सिद्धेश्वर सभागृह मार्गावर ही घटना घडली. १० ते १२ सिनेस्टाईल घेरून तरुणावर चाकूने वार केले.
सागर गिरधर सलामे (२२, सोरंखीवाडी, सेवादलनगर) असे मृताचे नाव आहे. तर त्याचा मित्र हर्षल उर्फ ॲलेक्स शिंदे (२५, राणी भोसलेनेगर, भांडे प्लॉट) हा जखमी आहे. पीयूष कैथवास, अरविंद उर्फ चोख्या, शौर्य उर्फ भुऱ्या, साहिल कावेटिया व आणखी ६ ते ७ साथीदार आरोपी आहेत.
सागरला कॉल केला आणि...
सर्व आरोपी सावित्रीबाई फुले नगर येथील रहिवासी आहेत. काही दिवसांअगोदर सागरचा काही मुलांसोबत गांजावरून वाद झाला होता व त्याने एका तरुणाच्या डोक्यावर लाकडी दांड्याने प्रहार केला होता. बुधवारी (१५ एप्रिल) रात्री हर्षल व सागर घराजवळील रॅलीत गेले होते.
त्यानंतर सागरला एक फोन आला व दोघेही दुचाकीने सिद्धेश्वर सभागृहाजवळ पोहोचले. तेथे पोहोचल्यावर सागरने मी पोहोचलो असे समोरील व्यक्तीला सांगितले. त्यानंतर ते समोरील व्यक्तीच्या सांगण्यावरून जादूमहल चौकात पोहोचले.
सागरवर चाकूने केले वार
थोड्या वेळातच आरोपी दोन मोपेडवर आले व दोघांभोवती घिरट्या मारू लागले. त्यांचे इतर सहकारीदेखील पोहोचले व त्यांनी सागर-हर्षलला घेराव घातला. त्या दिवशी तूच डोक्यावर प्रहार केले होते ना असे विचारत आरोपींनी सागरला शिवीगाळ सुरू केली.
सर्वांनी दोघांवरही लाकडी राफ्टर, दांडा व चाकूने हल्ला केला. पीयूष व त्याच्या सहकाऱ्यांनी सागरवर चाकूने वार केले. जखमी अवस्थेत जीव वाचविण्यासाठी सागरने सिद्धेश्वर सभागृहाच्या दिशेने धाव घेतली. आरोपी त्याला त्या अवस्थेतदेखील मारत होते. काही अंतरावर जाऊन सागर निपचित पडला. त्यानंतर आरोपी फरार झाले.
Web Summary : A drug dispute escalated into murder in Nagpur. Sagar Salame was fatally stabbed by a group of 10-12 attackers following a past argument over marijuana. His friend, Harshal Shinde, was also injured in the attack.
Web Summary : नागपुर में गांजे के विवाद में एक युवक की हत्या कर दी गई। सागर सलामे पर 10-12 हमलावरों ने चाकू से हमला किया, जो पहले गांजे को लेकर हुई बहस का नतीजा था। हमले में उसका दोस्त हर्षल शिंदे भी घायल हो गया।