शाळेमध्ये विद्यार्थी येण्यापूर्वी त्यासंबंधी पालकांनी संमतीपत्र देणे मनपाद्वारे अनिवार्य करण्यात आले आहे. त्यानुसार १३८४ पालकांनी संमतीपत्र दिले आहे. मनपाच्या २९ शाळांपैकी अनेक शाळांमध्ये संमतीपत्र न दिलेल्या विद्यार्थ्यांचे शिक्षण हे ऑनलाईन पद्धतीनेच सुरू राहणार आहे, अशी माहिती मनपाच्या शिक्षणाधिकारी प्रीति मिश्रीकोटकर यांनी दिली.
...........
६९ शिक्षक पॉझिटिव्ह
शिक्षकांना आरटीपीसीआर चाचणी करणे अनिवार्य आहे. त्यानुसार शहरातील खासगी शाळा व मनपा शाळांच्या शिक्षकांनी आरटीपीसीआर चाचणी केली असता मनपाच्या शाळांचे चार शिक्षक व दोन कर्मचारी पॉझिटिव्ह आले आहेत, तर खासगी शाळांमधील ६३ शिक्षक कोरोनाबाधित आढळले.
...
दिशानिर्देशाचे पालन करा : राधाकृष्णन बी.
शहरामध्ये ४ जानेवारीपासून शाळा सुरू करण्याची परवानगी देण्यात आलेली आहे. यादृष्टीने आवश्यक ती खबरदारी घेण्यात आरटीपीसीआर चाचणी अनिवार्य करण्यात आली आहे. पालकांचे संमतीपत्र अनिवार्य करण्यात आले आहे. कुठल्याही गोष्टीकडे दुर्लक्ष न करता कोविडसंदर्भात सर्व दिशानिर्देशाचे सर्व विद्यार्थी, शिक्षक आणि पालकांनी पालन करावे, असे आवाहन मनपा आयुक्त राधाकृष्णन बी. यांनी केले आहे.
....
मनपा शाळा-२९
९वी ते १२ वी मध्ये एकूण विद्यार्थी ३८९६
पालकांचे संमतीपत्र-१३८४
पहिल्या दिवशी उपस्थित -१२८५