Uddhav Thackeray News: विधिमंडळाच्या हिवाळी अधिवेशनात प्रथमच दोन्ही सभागृहात विरोधी पक्षनेतेपद नसताना त्याच मुद्दयावरून राजकारण तापले आहे. पाशवी बहुमताच्या भरवशावर सरकार मुजोर झाले आहे. कायद्यात नसतानाही दोन उपमुख्यमंत्री आहेत, मग दोन्ही सभागृहात विरोधी पक्षनेते का नाहीत असा सवाल विरोधकांनी केला. यानंतर आता ठाकरे गटाचे प्रमुख उद्धव ठाकरे यांनी विधानसभेचे अध्यक्ष राहुल नार्वेकर व विधान परिषदेचे सभापती राम शिंदे यांची भेट घेऊन दोन्ही सभागृहात विरोधी पक्षनेत्याची नियुक्ती करण्यासंदर्भात निवेदन दिले.
पत्रकार परिषदेत बोलताना उद्धव ठाकरे म्हणाले की, सध्या सुरू असलेले अधिवेशन संपण्यापूर्वी दोन्ही सभागृहांना विरोधी पक्षनेता मिळावा, अशी आमची अपेक्षा आहे. आम्ही जनतेचे प्रश्न मांडत आहोत. ते आमचे कर्तव्य आहे. परंतु, विरोधी पक्षनेत्याला एक दर्जा असतो. त्याला एक मान असतो, तो प्रशासनाशी, अधिकाऱ्यांशी अधिकाकाराने बोलू शकतो, प्रश्न विचारू शकतो. मिळालेल्या माहितीच्या आधारे सरकारला जाब विचारू शकतो. मात्र, हे सरकार विरोधी पक्षनेता नको या विचारांचे दिसत आहे, या शब्दांत उद्धव ठाकरे यांनी निशाणा साधला.
लोकशाही जिवंत ठेवण्यासाठी विरोधी पक्षनेता असायला हवा
लोकशाही जिवंत ठेवण्यासाठी सभागृहात विरोधी पक्षनेता असायला हवा. ते पद आहे, मात्र त्या पदावर माणूस नेमलेला नाही. त्यामुळे लवकरात लवकर विरोधी पक्षनेता नेमावा. माझे या सरकारला आणि दोन्ही सभागृहांच्या प्रमुखांना एकच सांगणे आहे की नियमांची आडकाठी पुढे कराल तर मग मी उपमुख्यमंत्रिपदाचा विषय काढेन, असा इशारा उद्धव ठाकरे यांनी दिला.
दरम्यान, विरोधी पक्षनेतेपदाबाबतचा निर्णय घेण्याचा अधिकार विधानसभा अध्यक्ष व विधान परिषदेच्या सभापतींकडे असतो. नियमानुसार आम्ही दोघांकडेही जाऊन विरोधी पक्षनेता नेमण्याची विनंती केली आहे. दोन्ही सभागृहात विरोधी पक्षनेता नाही. या अधिवेशनाच्या अखेरपर्यंत विरोधीपक्षनेतेपदाचा निर्णय घ्यावा, अशी विनंती आम्ही दोघांकडेही केली आहे. विधानसभा अध्यक्ष व सभापतींनी सांगितले की, त्यासंदर्भात विचार सुरू आहे. लवकरात लवकर निर्णय घेऊ. मागील अधिवेशनावेळी त्यांनी आम्हाला हेच सांगितले होते. लवकरात लवकर निर्णय घेण्याचे आश्वासन दिले होते. मात्र त्यांचा तो दिवस काही उजाडला नाही, अशी टीका उद्धव ठाकरेंनी केली.
Web Summary : Uddhav Thackeray demands opposition leaders in both houses before the session ends. He criticized the government for delaying the appointments and warned of raising the issue of deputy chief ministers if rules are used as a hindrance. He emphasized the importance of the opposition leader for democracy.
Web Summary : उद्धव ठाकरे ने सत्र समाप्त होने से पहले दोनों सदनों में विपक्ष के नेताओं की मांग की। उन्होंने नियुक्तियों में देरी के लिए सरकार की आलोचना की और नियमों को बाधा के रूप में इस्तेमाल करने पर उपमुख्यमंत्री के मुद्दे को उठाने की चेतावनी दी। उन्होंने लोकतंत्र के लिए विपक्ष के नेता के महत्व पर जोर दिया।