अजिंठा (जि़ औरंगाबाद) : अजिंठा लेण्यांतील प्रत्येक हालचालीवर नजर ठेवण्यास भारतीय पुरातत्त्व विभागाने 21 सीसीटीव्ही कॅमेरे बसवले आहेत. 1 ऑगस्टपासून हे कॅमेरे कार्यान्वित झाले असून लेण्यांतील ‘व्ह्यू’ पॉइंट बुकिंग ऑफिस परिसरातील सर्व हालचालींवर नजर राहणार आहे.
गेल्या वर्षी महाबोधी मंदिरात साखळी बॉम्बस्फोट झाले होते. त्यानंतर, 11 जुलै 2क्13 रोजी लोकमतने अजिंठा लेण्यांतील सुरक्षेचा प्रश्न उपस्थित केला होता. त्याची दखल घेऊन लेण्यांत पोलीस बंदोबस्त तैनात केला होता. सध्या पोलीस, क्यूआरटी, बॉम्बशोधक दल, सीआयडी यांची अजिंठा लेण्यांवर नजर आहे. अचानक कधीही हा फोर्स येऊन लेण्यांच्या सुरक्षेचा आढावा घेतो़ लेण्या डोंगरमाथ्यावर आहेत. व्ह्यू पॉइंटवरून सहज अजिंठा लेण्यांत कुणीही प्रवेश करू शकतो. येथे कोणतीच सुरक्षा नाही, हा मुद्दा ‘लोकमत’ने लावून धरला होता. (वार्ताहर)
बुकिंग ऑफिसमध्ये नियंत्रण
च्लेण्यांतील बुकिंग ऑफिस, गुंफा क्र. 9, 1क्, 26, महत्त्वाच्या लेण्या, परिसरातील डोंगरात आणि व्ह्यू पॉइंटवर हे कॅमेरे बसवण्यात आले आहेत. याचे सर्व नियंत्रण बुकिंग ऑफिसमधून होते. लवकरच लेण्यांत इंटरनेट सेवा घेऊन अजिंठा लेण्यांचे सर्व सीसीटीव्ही फुटेज महत्त्वाच्या ऑफिसमध्ये दिसतील, अशी व्यवस्था करण्यात येणार असल्याची माहिती अजिंठा लेण्यांमधील पुरातत्त्व विभागाचे संरक्षक सहायक डी.एस. दानवे यांनी दिली.
1 कोटीचा खर्च
च्अमेरिकेत व्हॉइट हाऊसमध्ये बसवण्यात
आलेल्या सीसीटीव्हीसारखाच या कॅमे:यांचाही दर्जा असून यासाठी तब्बल एक कोटी रुपये खर्च झाल्याची माहिती सूत्रंनी दिली.
{{#config.logo.enabled}}
{{/allowed}}