सोलापूर : संपूर्ण जिल्ह्याचे लक्ष लागून राहिलेल्या अनगर नगरपंचायत नगराध्यक्ष पदाच्या निवडणुकीत मोठा राजकीय उलटफेर झाला आहे. राष्ट्रवादी काँग्रेस (अजित पवार गट) पक्षाच्या उमेदवार उज्वला थिटे यांनी दाखल केलेला उमेदवारी अर्ज तांत्रिक कारणामुळे अवैध ठरवण्यात आला आहे. अर्जावर 'सूचकाची' सही नसणे, हे कारण निवडणूक निर्णय अधिकाऱ्यांनी ग्राह्य धरले आहे.
उज्वला थिटे यांच्या उमेदवारी अर्जावर अपक्ष उमेदवार सरस्वती शिंदे यांनी आक्षेप घेतला होता. उमेदवारी अर्जासोबत जोडलेल्या कागदपत्रांमध्ये सूचकाची सही नव्हती. हा तांत्रिक मुद्दा निवडणूक निर्णय अधिकारी सचिन मुळीक यांनी तपासला आणि आक्षेप योग्य ठरवत उज्वला थिटे यांचा अर्ज तत्काळ रद्द केला.
निवडणूक निर्णय अधिकारी सचिन मुळीक म्हणाले की, "उज्वला थिटे यांच्या उमेदवारी अर्जावर सूचकाची सही नव्हती. नियमानुसार हा अर्ज अवैध ठरतो, त्यामुळे तो अर्ज बाद करण्यात आला आहे."
या निर्णयामुळे नगरपंचायत निवडणुकीच्या राजकारणात मोठी खळबळ माजली आहे. थिटे यांचा अर्ज बाद झाल्याने आता नगराध्यक्षपदाची लढत आणखी रंगतदार होण्याची शक्यता आहे.
Web Summary : In a major twist, Ujwala Thite's, Ajit Pawar faction's candidate, nomination for Nagaradhyaksha post was rejected due to a missing proposer's signature. The decision, made by the election officer after an objection, has stirred political turmoil in the Nagar Panchayat elections. The fight for Nagaradhyaksha is now set to become even more intense.
Web Summary : अनगर नगर पंचायत अध्यक्ष पद के चुनाव में बड़ा उलटफेर हुआ है। अजित पवार गुट की उम्मीदवार उज्वला थिटे का नामांकन प्रस्तावक के हस्ताक्षर न होने के कारण रद्द कर दिया गया। चुनाव अधिकारी के इस फैसले से नगर पंचायत चुनाव में राजनीतिक उथल-पुथल मची है। अब अध्यक्ष पद की लड़ाई और भी रोमांचक होने की संभावना है।