लोणार : खा:या पाण्याच्या जागतिक ख्यातीच्या सरोवरासह प्राचीन संस्कृतीचा वारसा लाभलेल्या आणि राज्यातील महत्त्वपूर्ण पर्यटनस्थळांमध्ये गणना होणा:या लोणार येथील पर्यटन विकासाला चालना देण्यासाठी पर्यटन महामंडळाने ‘न्याहरी निवास योजना’ राबविण्याचा निर्णय घेतला आहे.
योजनेबाबत जनजागृती होऊन, तिच्या यशस्वितेसाठी स्थानिकांचा प्रतिसाद मिळण्याच्या हेतूने पर्यटन क्लबचीही स्थापना करण्यात आली आहे. 3क् सप्टेंबरला (पर्यटन दिन) ‘लोकमत’ने न्याहरी योजनेपासून लोणार वंचित असल्याबाबत वृत्त दिले होते. लोणारच्या पर्यटन विकासाला चालना देण्यासाठी भगवानबाबा महाविद्यालयाच्या राष्ट्रीय सेवा योजनेअंतर्गत पर्यटन क्लबची स्थापना करण्यात आली आहे. त्यामुळे पर्यटन विकासात स्थानिकांचा सहभाग वाढणार असून, स्थानिकांना रोजगाराची संधीही प्राप्त होणार आहे. न्याहरी निवास योजनेमुळे पर्यटकांना स्थानिक संस्कृती व खाद्यपदार्थाची ओळख होईल. पर्यटक आणि स्थानिकांमध्ये मैत्रीसंबंध दृढ होण्यास मदत होईल. न्याहरी निवास योजनेत पर्यटकांसाठी करमणुकीच्या सुविधा उपलब्ध करून द्याव्या लागणार आहेत.