मध्य प्रदेशातील जबलपूरमध्ये एक संतापजनक घटना समोर आली. लिफ्ट देण्याच्या बहाण्याने दोन नराधमांनी एका महिलेवर सामूहिक बलात्कार केल्याची धक्कादायक घटना घडली. धक्कादायक बाब म्हणजे, अत्याचारानंतर नराधमांनी महिलेवर हॉकी स्टिकने जीवघेणा हल्ला केला. या प्रकरणी जबलपूर पोलिसांनी दोन आरोपींना अटक केली. जबलपूरमधील या घटनेमुळे महिलांच्या सुरक्षेचा प्रश्न पुन्हा एकदा ऐरणीवर आला असून परिसरात तीव्र संताप व्यक्त केला जात आहे.
मिळालेल्या माहितीनुसार, पीडित महिला तिच्या नणंदेला भेटण्यासाठी भेदाघाट येथे गेली होती. तिथून परतत असताना अंधमुख बायपासजवळ एका कारमधून आलेल्या दोन आरोपींनी तिला पाहिले. तिला घरी सोडण्याचे खोटे आश्वासन देऊन या दोघांनी तिला कारमध्ये बसवले. कारमध्ये बसवल्यानंतर काही अंतरावर नेऊन या दोन्ही नराधमांनी महिलेवर सामूहिक बलात्कार केला. प्रतिकार करण्याचा प्रयत्न केला असता, आरोपींनी क्रूरतेचा कळस गाठत तिच्या डोक्यावर हॉकी स्टिकने जोरदार प्रहार केला. या गंभीर हल्ल्यात पीडिता गंभीर जखमी झाली.
कसातरी जीव वाचवून पीडितेने आपल्या भावाशी संपर्क साधला आणि तातडीने मझोली पोलीस ठाणे गाठले. घटनेचे गांभीर्य ओळखून जबलपूरचे अतिरिक्त एसपी सूर्यकांत शर्मा यांनी तात्काळ तपास पथके तयार केली. पोलिसांनी वेगाने हालचाली करत दोन्ही आरोपींच्या मुसक्या आवळल्या आहेत. पीडितेच्या तक्रारीवरून गुन्हा दाखल करण्यात आला असून दोन्ही मुख्य आरोपींना अटक करण्यात आली. या प्रकरणाचा सखोल तपास सुरू आहे, अशी माहिती जबलपूरचे वरिष्ठ पोलीस सूर्यकांत शर्मा यांनी दिली.
Web Summary : In Jabalpur, Madhya Pradesh, a woman was gang-raped and brutally attacked with a hockey stick after accepting a ride. Police arrested two suspects. The victim is critically injured and fighting for her life. The incident raises serious concerns about women's safety.
Web Summary : मध्य प्रदेश के जबलपुर में एक महिला के साथ सामूहिक बलात्कार किया गया और लिफ्ट देने के बहाने हॉकी स्टिक से बेरहमी से हमला किया गया। पुलिस ने दो संदिग्धों को गिरफ्तार किया। पीड़िता गंभीर रूप से घायल है और जिंदगी के लिए जूझ रही है। घटना ने महिलाओं की सुरक्षा पर गंभीर चिंता जताई।